انقرہ: ترکی کے مشرقی صوبے بینگول میں زلزلے کے شدید جھٹکے محسوس کیے گئے۔ زلزلےکی شدت ریختر پیمانے پر 5.7 ریکارڈ کی گئی۔ یہ اطلاع ملک کی ڈیزاسٹر مینجمنٹ ایڈمنسٹریشن نے دی ہے۔ زلزلے کے یہ جھٹکے اتوار کی شام مقامی وقت کے مطابق 5.24 منٹ بجے محسوس کیے گئے۔ اس کا مرکز کارلیووا ضلع کا کیارن پنار گاؤں بتایا جارہا ہے۔ زلزلے کے جھٹکے تقریباً دس سیکنڈ تک محسوس کیے گئے۔ ترکی کے وزیر داخلہ سلیمان سوئلو نے ٹویٹر پر کہا کہ کیارن پنار گاؤں میں گاندرمیری اسٹیشن کمانڈ کا ایک چوکیدارگر گیا اور دیگر ایک سیکیورٹی گارڈ ملبے کے نیچے دب گیا۔ بینگول کی مقامی حکومت نے بتایا کہ سات افراد کو بچا لیا گیا ہے، تقریباً 18 افراد اس میں زخمی ہو گئے ہیں، جبکہ تین دیگر افراد کو بچانے کی کوششیں جاری ہیں۔
سوشل میڈیا پر ہمارے ساتھ جڑنے کے لیے یہاں کلک کریں۔
Click 👉 https://bit.ly/followRRS
