نئی دہلی: عالمی وبائی کورونا وائرس کووڈ-19 کے انفیکشن میں دنیا بھر میں مسلسل اضافہ ہورہا ہے اور اب تک دنیا کے بیشتر ممالک میں ایک لاکھ 90 ہزار سے زیادہ افراد کی اس وبائی بیماری سے موت ہوچکی ہے اور 27.08 لاکھ سے زیادہ افراد اس میں مبتلا ہوچکے ہیں۔
جان ہاپکنس یونیورسٹی کے سائنس اور انجینئرنگ سنٹر (سی ایس ایس ای) کے جاری کردہ تازہ ترین اعداد و شمار کے مطابق ، دنیا بھر میں مجموعی طور پر 2708470 افراد کورونا وائرس سے متاثر ہوئے ہیں جبکہ ہلاکتوں کی تعداد 190788 ہوگئی ہے۔ اب تک دنیا بھر میں سات لاکھ سے زیادہ افراد اس کے انفیکشن سے پوری طرح صحت یاب ہو چکے ہیں۔
ہندوستان میں بھی کورونا وائرس کا انفیکشن تیزی سے پھیل رہا ہے اور مرکزی وزارت صحت کی جانب سے جمعہ کی صبح جاری کردہ تازہ ترین اعداد و شمار کے مطابق ملک کے 32 ریاستوں اور مرکزکے زیر انتظام علاقوں میں اب تک 23077 افراد اس وائرس میں مبتلا ہوچکے ہیں اور 718 افراد ہلاک ہوچکے ہیں۔ اب تک ہندوستان میں 4749 افراد اس انفیکشن سے ٹھیک ہوئے ہیں۔
جانس ہاپکنز یونیورسٹی کے سائنس اور انجینئرنگ کے مرکز (سی ایس ایس ای) کے جاری کردہ اعداد و شمار کے مطابق ، امریکہ میں کورونا وائرس نے دنیا میں سب سے زیادہ لوگوں کو متاثر کیا ہے اور وہاں بھی سب سے زیادہ اموات بھی ہوئی ہیں۔ اس وبا نے امریکہ میں ایک زبردست خوفناک شکل اختیار کرلی ہے، جسے دنیا کی سپر پاور سمجھا جاتا ہے۔ اب تک یہاں 868945 افراد انفکشن سے متاثر ہوچکے ہیں جبکہ 49887 افراد فوت ہوگئے ہیں۔ امریکہ میں اب تک 77 ہزار سے زیادہ افراد اس مرض سے ٹھیک ہو چکے ہیں۔ امریکہ میں کووڈ ۔19 انفیکشن کی وجہ سے ہلاکتوں کی تعداد 50 ہزارتک پہنچنے والی ہے۔
یورپ کے سب سے زیادہ متاثرہ ملک اٹلی میں اس وبا نے اب تک 25549 افراد کو ہلاک کیا ہے اور 189973 افراد اس میں مبتلا ہوچکے ہیں اور صحت یابی کے بعد گھر لوٹ آئے ہیں۔
کووڈ ۔19 انفیکشن سے سب سے زیادہ متاثر ممالک کی فہرست میں امریکہ کے بعد اسپین دوسرے نمبر پر ہے۔ اب تک 213024 افراد اس کا شکار ہوچکے ہیں اور اس کی وجہ سے 22157 افراد کی موت ہوچکی ہے اور 85915 مریض ٹھیک ہوگئے ہیں۔
اس عالمی وبا کے مرکز چین میں اب تک 83884 افراد متاثر ہوئے ہیں اور 4636 افراد ہلاک ہوچکے ہیں۔ اس وائرس کے بارے میں تیار کی گئی ایک رپورٹ کے مطابق چین میں اموات کی 80 فیصد 60 سال سے زیادہ عمر کے لوگوں کی ہی ہے۔
دوسری جانب کورونا وائرس کی وجہ سے انفیکشن اور موت کی صورت میں یورپی ممالک فرانس اور جرمنی کی صورتحال بھی کافی خراب ہے۔ فرانس میں اب تک 159460 افراد انفکشن سے متاثر ہوچکے ہیں جن میں سے 21889 افراد لقمہ اجل بن چکے ہیں۔ جبکہ جرمنی میں 153129 افراد کورونا وائرس سے متاثر ہوئے ہیں اور 5575 افراد لقمہ اجل بن چکے ہیں۔
اس کے علاوہ برطانیہ میں بھی صورتحال خراب تر ہوتی جارہی ہے، جہاں 139246 افراد کو انفکشن ہوا ہے اور اس کی وجہ سے 18791 افراد لقمہ اجل بن چکے ہیں اور علاج کے بعد صرف 683 مریض اسپتال سے ڈسچارج ہوئے ہیں۔
خلیجی ملک ایران میں 87026 افراد کورونا وائرس سے متاثر ہوئے ہیں ، جبکہ اس کی وجہ سے 5481 افراد لقمہ اجل بن چکے ہیں۔ دوسرے ممالک کی طرح روس میں بھی کووڈ ۔19 کی وباء تیزی سے پھیل رہی ہے۔ روس میں اب تک کورونا انفیکشن کے 62773 معاملوں کی تصدیق ہوچکی ہے جبکہ 555 افراد اس وبا کی وجہ سے ہلاک ہوگئے ہیں۔
بیلجیم میں 6490 ، نیدرلینڈ میں 4192 ، برازیل میں 3331 ، ترکی میں 2491 ، سویڈن میں 2021 ، سوئٹزرلینڈ میں 1549 ، پرتگال میں 820 ، میکسیکو میں 107 ، انڈونیشیا میں 647 ، آئر لینڈ میں 794 ، آسٹریا ، ایکواڈور میں 522۔ 560 ، رومانیہ میں 545 ، فلپائن میں 462 ، پولینڈ میں 454 ، ڈنمارک میں 394 اور جنوبی کوریا میں 240۔ اس کے علاوہ پڑوسی ملک پاکستان میں بھی کورانا وائرس کے 11057 معاملوں کی تصدیق ہوگئی ہے اور اس کی وجہ سے 212 افراد لقمہ اجل بن چکے ہیں۔
