بنگلور: کورونا وائرس 'كووڈ -19' وبا کے دوران ملک گیر لاک ڈاؤن کے پیش نظر غریب اور تارک وطن کارکنان کی مدد کے لیے ہندوستانی خاتون ہاکی ٹیم نے 20 لاکھ روپے سے زیادہ کی رقم اکٹھا کی ہے۔
ہندوستانی خاتون ہاکی ٹیم نے 1000 لوگوں کے کھانے کا انتظام کرنے کے لئے یہ پہل کی تھی۔ٹیم نے 18 دن کے فٹنس چیلنج کو 17 اپریل کو شروع کیا تھا اور پہلے چاردنوں میں ہی سات لاکھ روپے سے زیادہ کی رقم جمع کر چکی تھی۔یہ كراؤڈ فنڈنگ 3 مئی تک جاری رہنی تھی جو گزشتہ لاک ڈاؤن کا آخری دن تھا۔اگرچہ لاک ڈاؤن کو 17 مئی تک کے لئے بڑھا دیا گیا ہے۔
ٹیم نے لوگوں کو '20 پش اپس اور 20 ڈپس 'کرنے کا چیلنج دیا تھا۔ چیلنج تین مئی کو ختم ہوا۔ ملک گیر لاک ڈاؤن کے پیش نظر ٹیم نے رسمی ہاکی تربیت کو ملتوی کر دیا ہے اوراس وقت کا بہتر استعمال کھلاڑی اس کھیل اوران شعبوں پرتجزیہ کرنے کے لئے کر رہے ہیں جن میں بہتری کی گنجائش ہے۔
خاتون ٹیم نے کل 20،01،130 روپے کی رقم جمع کی ہے۔کپتان رانی اور نائب کپتان سویتا نے اس پہل پر حمایت دینے کے لئے لوگوں کا شکریہ ادا کیا ہے۔ہاکی انڈیا کے صدر محمد مشتاق احمد نے خاتون ٹیم کو اس شاندار پہل کے لئے مبارک باد دی ہے۔
خاتون ٹیم کی طرف سے جمع کی گئی رقم دہلی میں واقع این جی او اودے فاؤنڈیشن کو جائے گی جو اس کا استعمال غریبوں اور ضرورت مندوں کے لئے کرے گی ۔
