وزیر اعظم نریندر مودی نے کورونا وائرس وبا کے بحران کے درمیان 'مسکورائےگاہندوستان' اقدام سے ہندوستانیوں میں مثبت جذبات لانے کے لئے فلمی شخصیت کی کوششوں کی تعریف کی۔ ویڈیو کو ٹویٹر پر شیئر کرتے ہوئے ، وزیر اعظم مودی نے لکھا "پھر مسکرائےگا انڈیا.. پھر جیت جایگا انڈیا… ہندوستان لڑے گا۔ ہندوستان جیت جائے گا! ہماری فلمی برادری کی طرف سے یہ اچھا اقدام ہے۔
وزیر اعظم نریندر مودی نے کہا کہ ہمیں میڈیکل عملے کا شکریہ ادا کرنا چاہئے جو کورونا وائرس بحران سے لڑنے کے لئے تمام تر مشکلات کا مقابلہ کر رہے ہیں۔
آج عالمی یوم صحت پر ہم نہ صرف ایک دوسرے کی اچھی صحت کی خواہش کریں بلکہ کووڈ۔ 19 کے خلاف لڑائی کی قیادت کرنے والے ڈاکٹروں، نرسوں اور صحت عملہ کے تئیں ممنونیت کا اظہار کرنے کے عزم کو دہرائیں‘۔ وزیر اعظم نے کہا کہ اس عالمی یوم صحت پر ہم سماجی دوری جیسے اقدامات پر عمل آوری کو یقینی بنا کر نہ صرف اپنی زندگی کو بلکہ دوسروں کی زندگی کو بھی محفوظ کر سکتے ہیں۔
