جموں: پنجاب کے مختلف علاقوں میں کسانوں نے احتجاج شروع کر دیا ہے۔ کسانوں کی ‘ریل روکو’ تحریک کے اعلان کی وجہ سے سات ٹرینیں منسوخ کر دی گئیں اور 13 ٹرینوں کے روٹ تبدیل کر دیے گئے۔ اس کی Farmوجہ سے مسافروں کی ایک بڑی تعداد، جن میں زیادہ تر یاتری تھے، جمعہ کو جموں اور کٹرہ ریلوے اسٹیشنوں پر پھنسے رہے۔
کسانوں کی کئی تنظیموں کے اراکین نے جمعرات کو تین روزہ تحریک شروع کی جس میں حالیہ سیلاب سے ہونے والے نقصانات کے لیے مالیاتی پیکیج، کم از کم امدادی قیمت (ایم ایس پی) کی قانونی ضمانت اور قرض کی معافی جیسے مطالبات پر زور دیا۔ احتجاج کے ایک حصے کے طور پر، کسان موگا، ہوشیار پور، گورداسپور، جالندھر، ترن تارن، سنگرور، پٹیالہ، فیروز پور، بھٹنڈہ اور امرتسر سمیت کئی مقامات پر ٹرین کی پٹریوں پر بیٹھ گئے۔
ریلوے کے سینئر افسر پرتیک سریواستو نے کہا، “اس احتجاج کی وجہ سے کچھ ٹرینیں متاثر ہوئی ہیں، لیکن 60 سے 70 فیصد ٹرینیں تبدیل شدہ روٹس پر چلائی جا رہی ہیں۔ “افسران کو چوبیس گھنٹے ڈیوٹی پر رکھا گیا ہے تاکہ ٹرین ٹریفک کی نگرانی کی جا سکے اور مسافروں کو کم سے کم تکلیف کو یقینی بنایا جا سکے۔”
مزید پڑھیں:
”دنیا دیکھ رہی ہے…. تم اس بار بھی خاموش ہو‘‘…دانش علی نے بی جے پی لیڈر رمیش بدوڑھی کے خلاف وزیر اعظم کو خط لکھ کر انصاف کی گہار لگائی
ریلوے حکام نے بتایا کہ احتجاج کی وجہ سے اب تک 13 ٹرینوں کا رخ موڑ دیا گیا ہے اور سات ٹرینوں کو منسوخ کر دیا گیا ہے۔ سریواستو نے کہا کہ اس احتجاج کا براہ راست اثر امبالہ اور فیروز پور ریلوے ڈویژنوں پر پڑا ہے۔ انہوں نے کہا، “یہاں سے ٹرینوں کو نکودر کے علاقے (پنجاب میں) کے راستے موڑ دیا گیا ہے۔ سب سے زیادہ متاثرہ علاقہ جالندھر ہے۔ کٹرا کے لیے دو خصوصی ٹرینیں منسوخ کر دی گئی ہیں۔ شیو شکتی ٹرین کو بھی منسوخ کر دیا گیا ہے۔
