نیویارک (یو این آئی) : پولینڈ کی انگا سویاٹکے نے تیونس کی اونس جبیور کو یکطرفہ فائنل میں شکست دے کر اپنا پہلا یو ایس اوپن ٹائٹل جیت لیا۔
دنیا کی نمبر ایک ٹینس کھلاڑی سویاٹکے نے ہفتے کو آرتھر ایشے اسٹیڈیم میں جبیور کو 6-2، 7-6 (5) سے شکست دے کر سال کا اپنا دوسرا گرینڈ سلیم ٹائٹل اپنے نام کیا۔اس سال مارچ میں ایشلی بارٹر کی اچانک ریٹائرمنٹ کے بعد 21 سالہ سویاٹکے ڈبلیو ٹی اے رینکنگ میں پہلے نمبر پر آگئی، لیکن نوجوان نے گھبرانے کے بجائے اس سے تحریک لی۔
سویاٹکے نے جیت کے بعد کہاکہ ’مجھے پرسکون رہنے اور اپنے مقاصد پر توجہ مرکوز کرنے کی ضرورت تھی۔ سیزن کے آغاز میں میں نے محسوس کیا کہ شاید ڈبلیو ٹی اے ایونٹس میں کچھ نتائج میرے بہترین مفاد میں ہوں گے ۔ میں نے سیمی فائنل میں آسٹریلین اوپن بھی جگہ بنائی۔ لیکن مجھے یقین نہیں تھا کہ آیا میں واقعی کوئی گرینڈ سلیم جیت سکتی ہوں، خاص طور پر یو ایس اوپن میں جہاں سطح اتنی تیز ہے ۔
انہوں نے کہا کہ ’یہ ایک ایسی چیز ہے جس کی مجھے یقیناً توقع نہیں تھی۔ اس سے مجھے یقین ہوگیا کہ آسمان کی حد ہے ۔ مجھے فخر ہے اور تھوڑا سی حیرانی بھی، بس مجھے خوشی ہے کہ میں یہ کر پائی۔‘پہلے سیٹ میں 6-2 سے سویاٹکے سے آگے جانے کے بعد دوسرا سیٹ ٹائی بریکر پر آگیا تھا۔ سویاٹکے نے 4-5 سے واپسی کی اور فورہینڈ شاٹ سے برابری کی۔ دو پوائنٹس کے بعد جبیور کا فورہینڈ کورٹ کے باہر گرنے سے سویاٹکے کو کامیابی ملی اور یو ایس اوپن جیتنے والی پہلی پولش خاتون کھلاڑی بن گئی۔
