میرے ہونٹوں کو بے زباں لکھنا
دل کی بستی کو بے اماں لکھنا
گر محبت کی داستاں لکھنا
اس ستمگر کو جان جاں لکھنا
سب کے چہروں پہ مسکراہٹ ہے
دل کی خواہش نہ تم یہاں لکھنا
غم کی باتوں سے اس کا کیا رشتہ
چاندنی، پھول، کہکشاں لکھنا
زندگی اک جفا مسلسل ہے
گذرے لمحوں کو شادماں لکھنا
جس کا وعدہ وفا نہیں ہوتا
اس کو راشد نہ آسماں لکھنا
محمد راشد صدیقی
صدیقی دواخانہ، میرانپور، مظفرنگر
سوشل میڈیا پر ہمارے ساتھ جڑنے کے لیے یہاں کلک کریں۔
Click 👉 https://bit.ly/followRRS
