لاہور (یو این آئی) پاکستان فٹ بال ٹیم کے سابق کپتان علی نواز بلوچ جمعہ کی صبح کراچی میں انتقال کر گئے ۔نیوز چینل جیو نیوز کی رپورٹ کے مطابق بلوچ کو گزشتہ ہفتے فالج کا دورہ پڑا تھا جس سے وہ جانبر نہ ہو سکے ۔ ان کی آخری رسومات آج کراچی کے ایم سی اسٹیڈیم میں ادا کی جائیں گی۔لیاری میں پیدا ہونے والے بلوچ نے کئی بین الاقوامی میچوں میں ملک کی نمائندگی کی۔ انہیں 1996 میں صدر کے پرائیڈ آف پرفارمنس ایوارڈ سے نوازا گیا۔ 1967 سے 1974 تک پاکستان کی نمائندگی کرنے کے بعد بلوچ نے ابوظہبی میں ایمریٹس ایف سی کے لیے پیشہ ورانہ طور پر پانچ سال کھیلے ۔انہوں نے پانچ سال متحدہ عرب امارات (یو اے ای) میں بطور کوچ خدمات انجام دیں۔
سوشل میڈیا پر ہمارے ساتھ جڑنے کے لیے یہاں کلک کریں۔
Click 👉 https://bit.ly/followRRS
