ممبئی: بالی ووڈ کےجونیئر بی ابھیشیک بچن کی آنے والی ویب سیریز ’بریتھ: ان ٹو شیڈوز‘کا ٹریلر ریلیز کردیا گیا ہے۔
ابھیشیک بچن ڈیجیٹل ڈیبیوکررہے ہیں۔ ان کی ویب سیریز ’بریتھ: ان ٹو شیڈوز‘ایمیزون پرائم پر ریلیز ہونے والی ہے۔ اس ویب سیریز میں ابھیشیک کے علاوہ امیت سادھ بھی مرکزی کردار میں ہیں۔ اس ویب سیریز کا ٹریلر ریلیز ہوگیا ہے۔ اس ویب سیریز کی ہدایتکاری کا کام مینک شرما نے کیا ہے اور بھوانی ائیر، ارشد سید، مینک شرما اور وکرم ٹولی جیسے رائٹرس نے لکھا ہے۔
ٹریلر کے پس منظر میں ابھیشیک کی آواز سنائی دے رہی ہے۔ وہ کہہ رہے ہیں میں ہمیشہ سیا کو کہتا تھا، سورج کی روشنی دیکھے اور تمہارا سایہ ہمیشہ تمہارے پیچھے ہوگا۔ مجھے کیا معلوم تھا کہ ایک لمحہ ایسا بھی آتا ہے جب وہ سایہ اس کا پیچھا کرتا ہے، آپ کو گھیر لیتا ہے اور پھر آپ کو سائے میں لے جاتاہے۔
ابھیشیک نے ویب سیریز کا ٹریلر اپنے سوشل میڈیا اکاؤنٹ پر شیئر کیا ہے۔ ویب سیریز میں اداکار امیت سادھ پولیس انسپکٹر کبیر ساونت کا کردار نبھا رہے ہیں۔ یہ ویب سیریز 2018 میں آئی اداکار آر مادھون اور امیت سادھ اسٹارر ویب سیریز’بریتھ‘ کا سیکوئل ہے۔
