اسلام آباد: (یو این آئی) بالی ووڈ کے عظیم اداکار دلیپ کمار کے انتقال پر ملک میں ہی نہیں بلکہ ہمسایہ ملک پاکستان میں بھی رنج و غم کی لہر ہے اور صدر عارف علوی اور وزیراعظم عمران خان سمیت کئی ہستیوں نے’ٹریجڈی کنگ‘کے جذباتی خراج عقیدت پیش کیا ہے۔
مقامی میڈیا نے بتایا کہ پاکستانی صدر،وزیراعظم اور وزیر داخلہ کے علاوہ عوام نے بھی ان کی حصولیابیوں کو یاد کرتے ہوئے سوشل میڈیا پر اداکار کے لئے اپنی محبت کا اظہار کیا۔
مسٹر علو ی نے پاکستان کے اعلی شہری اعزاز نشان امتیاز سے نواز کر دلیپ کمارکے انتقال پردکھ کا اظہار کرتے ہوئے کہا کہ وہ ایک بہترین اداکار،نرم دل اور معروف شخصیت تھے۔ پاکستان کے صدر نے دلیپ کمار کے کنبہ اور مداحوں کے ساتھ تعزیت کا اظہار کیا۔
دلیپ کمار کی رحلت پر رنجیدہ ہوں۔شوکت خانم اسپتال کی تعمیرکےمنصوبےکا آغازکیا گیاتوعطیات جمع کرنےکیلئےانہوں نےنہایت سخاوت سےوقت دیاجسےمیں کبھی فراموش نہیں کرسکتا۔یہ پہلے10%عطیات جمع کرنےکا کٹھن مرحلہ تھاچنانچہ لندن و پاکستان میں انکی رونمائی یہ خطیر رقم جمع کرنےمیں معاون ثابت ہوئی
— Imran Khan (@ImranKhanPTI) July 7, 2021
انہوں نے کہاکہ ان کے کنبہ اور مداحوں کے بہت بڑے کنبہ کے ساتھ تعزیت۔ اللہ ان کی روح کو سکون عطا کرے۔
وزیراعظم عمران خان نے اپنے تعزیتی پیغام میں کہاکہ مسٹر دلیپ کمار کے انتقال کے بارے میں سن کر دکھ ہوا۔ وہ میری نسل کے عظیم ترین اور کثیرجتہی صلاحیتوں کے مالک ادا کار تھے۔میں ایس کے ایم ٹی ایچ پروجیکٹ لانچ ہونے پر اس کے لئے فنڈ جمع کرنے میں مدد کے لئے وقت دینے کی ان کی سخاوت کو بھی فراموش نہیں کرسکتا۔
The word legend is overused; however, Dilip Kumar lived up to that status. He will forever be the shining star for art & cinema lovers. A great performer who was also involved with various charitable/social initiatives. My sympathies with grief-stricken family. Adios, Dilip sahib pic.twitter.com/zVCQxzEy5x
— Shehbaz Sharif (@CMShehbaz) July 7, 2021
پاکستان کے وزیر داخلہ شیخ رشید احمد نے کہاکہ انہوں نے ادا کار کے ساتھ ملاقاتوں کے دوران انہیں ’پرکشش شخصیت‘ کا مالک پایا۔
اطلاعات و نشریات کے وزیر فواد چودھری نے آج اپنے تعزیتی پیغام میں کہا کہ وہ ایک معروف ادا کار تھے۔ دلیپ کمار اب ہمارے درمیان نہیں رہے۔ انہیں اس جزیرہ نما اور پوری دنیامیں کروڑوں لوگ محبت کرتے تھے۔ دنیا کے ٹریجڈی کنگ کو ہمیش یاد یاد کیا جائے گا۔
Sorry to see Dilip Kumar (Yusuf Khan) depart from his worldly abode. An outstanding actor, a humble man, and a dignified personality. Condolences to the immediate family and his huge family of admirers. May his soul rest in peace. اِنَّا لِلّٰہِ وَاِنَّآ اِلَیْہِ رَاجِعُوْنَ
— Dr. Arif Alvi (@ArifAlvi) July 7, 2021
پی ایم ایل۔ این کے صدر شاہباز شریف نے اداکار دلیپ کمار کو خراج عقیدت دیتے ہوئے کہاکہ پیشاور کے یوسف خان نے بالی ووڈ میں کئی برسوں تک دلیپ کمار کے طورپر راج کیا اور آج ایک لیجنڈ کے طورپر دنیا چھوڑ کر چلے گئے۔
پی ایم ایل۔ این کی ترجمان مریم اورنگزیب نے کہاکہ مسٹر دلیپ کمار کے ذریعہ ادا کردہ کردار اور مکمل جنون کے ساتھ بولے گئے ان کے ڈائلاگ عوامی میں کافی مقبول ہوئے۔انہوں نے ان کے انتقال کو بڑا نقصان قرار دیا۔
خیال رہے کہ مسٹر دلیپ کمار کا 98برس کی عمر میں ممبئی کے ہندوجا اسپتال میں بدھ کی صبح انتقال ہوگیا۔ ان کے کنبہ کے دوست فیصل فاروقی نے اداکار کے ٹوئٹر پر پوسٹ کیا کہ بھاری دل اور گہرے دکھ کے ساتھ، میں اپنے پیارے دلیپ صاحب کے انتقال کا اعلان کرتا ہوں۔
وہ طویل عرصہ سے بزرگی سے متعلق بیماریوں سے متاثر تھے۔ انہیں 30جون کو اسپتال کے آئی سی یو میں داخل کرایا گیا تھا۔ اس مہینے میں دوسری بار انہیں اسپتال میں داخل کرانا پڑا تھا۔
اداکار کی پیدائش 11دسمبر 1922کو پیشاور (اب پاکستان میں) میں محمد یوسف خان کے طورپر ہوئی تھی۔ انہوں نے 1944میں جوار بھاٹا کے ساتھ اپنے فلمی کیریر کا آغاز کیا اور تقریباً پانچ دہا ئی تک بالی ووڈ پر راج کیا۔
