جے پور:(یو این آئی) راجستھان میں بھارتیہ جنتا پارٹی (بی جے پی) کے ریاستی صدر ڈاکٹر ستیش پونیہ سمیت پارٹی کے کئی رہنماؤں نے کانگریس کے ریاستی صدر گووند سنگھ ڈوٹاسارا کے ویر ساورکر کے بارے میں دیئے گئے بیان حملہ کرتے ہوئے کہا کہ آخر کار کانگریس کی زبان سے سچ سامنے آگیا اور اس نے ویر ساورکر کی مہانتا اورتعاون کو قبول کرلیا۔ڈاکٹر پونیا نے آج میڈیا کو بتایا کہ کانگریس نے اپنے پچاس سالہ دور حکومت میں صرف ووٹوں اور مذہب کی سیاست کی جبکہ وزیر اعظم نریندر مودی کی حکومت نے نظریاتی مسائل کو حل کیا۔ انہوں نے کہا کہ کانگریس نے نہ صرف اکثریت کا اعتماد کھو دیا ہے بلکہ اب وہ اقلیتوں کا اعتماد بھی کھو چکی ہے۔انہوں نے کہا کہ کانگریس لیڈرآئین ، ملک ، جمہوریت اور اور شخصیات کے خلاف بیانات دے کر عوام نے ان کی کھنچائی شروع کردی ہے اور کانگریس اخلاقی دباؤ میں آگئی ۔ کانگریس باتوں میں یو ٹرن لینے میں مہارت رکھتی ہے ، چلئے اتنی تو عقل آئی کہ اس نے ویر ساورکر کی کی مہانتا کو قبول کیا ہے۔ انہوں نے کہا کہ آزادی کی لڑائی میں اکیلے کانگریس کا کوئی تعاون نہیں ہے۔ کانگریس کو یہ غلط فہمی نہیں ہونی چاہئے ۔ سنگھ (راشٹریہ سوئم سیوک سنگھ ) نے ملک میں سماجی ہم آہنگی کو تقویت دی ہے۔
