کورونا وائرس کے اثرات کی وجہ سے چین میں تمام ٹینس ایونٹس منسوخ کر دیے گئے ہیں۔میڈیا رپورٹس کے مطابق منسوخی کے بعد اس سال چین میں کوئی ٹینس ایونٹ نہیں ہو گا۔ چین میں کورونا وائرس کی وجہ سے انٹر نیشنل ایونٹس پر ویسے بھی پابندی عائد ہے۔
میڈیا رپورٹس میں کہا گیا ہے کہ سر دست چین میں صرف بیجنگ ونٹر اولمپکس 2022ء کے ٹرائل ایونٹس کی اجازت ہے۔ڈبلیو ٹی اے نے آج بروز جمعہ کہا کہ وہ تمام سات ٹورنامنٹ جو ڈبلیو ٹی اے کے 2020 عارضی کیلنڈر میں چین میں ہونیوالے تھے ، اب نہیں ہوں گے۔
ڈبلیو ٹی اے کی ویب سائٹ پر ایک بیان میں کہا گیا ہے کہ "چین کی جنرل ایڈمنسٹریشن آف اسپورٹ کے حالیہ فیصلے کی وجہ سے کوویڈ 19 وبائی امراض کے نتیجے میں چین 2020 میں کھیلوں کے کسی بھی بین الاقوامی مقابلوں کی میزبانی نہیں کرے گا ۔
ڈبلیو ٹی اے کے عارضی کیلنڈر پر چین میں شیڈول طے شدہ تمام ڈبلیو ٹی اے ٹورنامنٹ اب نہیں ہوں گے۔
