ممبئی: فلمساز انوبھو سنہا کووڈ ۔19 پر اینتھولوجی فلم بنائیں گے۔انوبھو سنہا یہ فلم ہنسل مہتا،سدھیر مشرا، کیتن مہتا اور سبھاش کپور جیسے ڈائریکٹر ز کے ساتھ مل کر بنانے جارہے ہیں۔ اس فلم کے ذریعے دکھایا جائے گا کہ کس طرح کووڈْ ۔19 نےہر ایک کی زندگی کو متاثر کیا ہے۔ انوبھو نے کہا ’’سدھیر بھائی کے ڈرائیور کو کوروناکے علاج کے لئے اسپتال میں داخل کرایا گیا لیکن انہیں بسترنہیں ملا۔اس رات مجھے سمجھ آیا کہ کیوں نہ ڈائریکٹرس کے ساتھ مل کر اس مسئلے پرفلم بنائی جائے۔ ہم نےعرفان خان جیسے عظیم فنکار کو کھویا اور ان کی تدفین میں شریک نہیں ہوپائے۔ میں چاہتا ہوں انوراگ کشیپ بھی اس پروجیکٹ میں شریک ہوں لیکن ایسا ممکن نہیں ہوسکتاکیونکہ وہ دیگرپروجیکٹ میں مصروف ہیں۔
سبھاش کپور نے بتایا ’’میں نے دنیامیں پہلے کبھی ایسا ماحول نہیں دیکھا۔میں اپنے دوستوں کے ساتھ ایسی کہانی پر کام کرنے کے لئے حوصلہ افزاہوں۔دوسری جانب سدھیر مشرا نے بتایا کہ انہیں اس فلم پر نومبر تک کام شروع ہونے کی امید ہے لیکن اگر ملک سے باہر شوٹنگ کرنی پڑی اور ہجوم کی ضرورت ہوئی تو یہ وقت کے مطابق ممکن ہوگا۔
