نئی دہلی:سنگاپورایئرلائنس نے یکم فروری سے احمدآباد سے سنگاپور کے لیے پرواز شروع کرنے کا اعلان کیا ہے۔ اس روٹ پر یکم فروری سے ہفتے میں 6 پروازیں شروع کرے گی۔ بدھ کے علاوہ دیگرہردن اس پرواز کی سہولت مہیا ہوگی۔ 29 مارچ سے روزانہ پروازیں شروع کرنے کا منصوبہ ہے۔ احمدآباد۔ سنگاپور روٹ پر ایئربس اے 350۔900 طیاروں کا آپریشن کرے گی۔ یہ پہلا موقع ہے جب کوئی کمپنی احمدآباد سے وسطی دوری کا طیارہ اے350۔900 کا آپریشن شروع کررہی ہے۔
علاوہ ازیں 29 مارچ سے وہ کولکاتا سے پروازوں کی ہفتہ وار تعداد 4 سے بڑھا کر 5 کر رہی ہے۔اس کے ساتھ ہی کمپنی نے احمدآباد سے سنگاپور کے لیے محدود میعاد کے سیل کا اعلان بھی کیا ہے۔ اس سیل کے تحت اکنومی کٹیگری کا ٹکٹ 27700 روپیے میں اور بزنس کٹیگری کا ٹکٹ 68300 روپیے میں موجود ہے۔ ٹکٹوں کی فروخت 10 جنوری سے شروع ہوکر 09 فروری تک جاری رہے گی۔ اس کے تحت جنوری 2021 تک کے سفر کے ٹکٹ بک کروائے جا سکیں گے۔
