نئی دہلی: بی آر ڈی میڈیکل کالج گورکھپور کے سابق ڈاکٹر کفیل خان اور ان کی کتاب کی اشاعت پر پانچ نامعلوم لوگوں کے خلاف مقدمہ درج کیا گیا ہے، جس کا کچھ متن مبینہ طور پر اتر پردیش حکومت کے خلاف ہے۔ لکھنؤ کے تاجر منیش شکلا نے ڈاکٹر کفیل خان کے خلاف شکایت درج کرائی ہے، جس میں انہوں نے الزام لگایا ہے کہ اس کتاب کے ذریعے ریاستی حکومت کو گرانے اور مرکز کے خلاف باتیں کہی گئی ہیں۔
اس بارے میں معلومات دیتے ہوئے لکھنؤ کے کرشنا نگر تھانے کے اسٹیشن انچارج جتیندر پرتاپ سنگھ نے بتایا کہ ڈاکٹر کفیل خان اور پانچ نامعلوم لوگوں کے خلاف ایف آئی آر درج کی گئی ہے۔ کرشنا نگر کے تاجر منیش شکلا کی شکایت پر پولیس نے آئی پی سی کی مختلف دفعات اور پریس اینڈ بک رجسٹریشن ایکٹ کی خلاف ورزی کے تحت مقدمہ درج کیا ہے۔
مزید پڑھیں: تلنگانہ کے نئے وزیر اعلی ہوں گے ریونت ریڈی، 7 دسمبر کو لیں گے حلف
