اظہار الحسن
نئی دہلی (ایس این بی) :دہلی سرکار 2025 تک جمنا کی صفائی کو مکمل کرنے، دہلی کے ہر گھر کو 24 گھنٹے نل کا پانی فراہم کرنے اور تمام غیر منظور شدہ کالونیوں کو سیوریج لائنوں سے جوڑنے کے لیے جنگی بنیادوں پر کام کر رہی ہے۔ اسی سلسلے میں نائب وزیر اعلیٰ منیش سسودیا نے دہلی جل بورڈ کو بوانا اور منڈکا کے کئی علاقوں میں جانے کی ہدایت دی ہے۔انہوں نے ڈی سینٹرلائزڈ سیوریج ٹریٹمنٹ پلانٹس کی تعمیر، دہلی کی مختلف غیر منظور شدہ کالونیوں اور دیہی علاقوں میں سیوریج لائنیں بچھانے اور بوانا میں 2 ایم جی ڈی ویسٹ واٹر ٹریٹمنٹ پلانٹ کی تعمیر جیسے منصوبوں کو بھی منظوری دی۔ ان تمام پروجیکٹوں کی کل لاگت تقریباً 570 کروڑ روپے ہے۔ منصوبوں کی تکمیل کے بعدیہ 2025 تک یمنا کی صفائی کے ہدف کو پورا کرنے میں مدد کرے گا۔ اس کے ساتھ ہی دہلی کی غیرمنظور شدہ کالونیوں اور دیہی علاقوں کے لاکھوں لوگوں کو سیوریج کے مسائل سے بھی راحت ملے گی۔
اس موقع پر نائب وزیر اعلی منیش سسودیا نے افسران کو ہدایت دی کہ وہ تمام پروجیکٹوں کو مقررہ وقت میں مکمل کریں۔ انہوں نے کہا کہ کجریوال سرکار قومی راجدھانی میں سیوریج سسٹم کو بہتر بنانے، مختلف علاقوں میں سیوریج لائنیں بچھانے اور گھر گھر سیور کنکشن فراہم کرنے کے لیے مرحلہ وار کام کر رہی ہے۔ اس بات کو ذہن میں رکھتے ہوئے کہ دہلی کے جمنا میں آلودہ پانی نہیں آتا ہے۔دہلی سرکارنے مختلف غیرمنظور شدہ کالونیوں اور دیہی علاقوں میں ڈی سینٹرلائزڈ سیوریج ٹریٹمنٹ پلانٹس لگانے کا فیصلہ کیا ہے ۔ اگرچہ بڑے ایس ٹی پی کے لیے پوری جگہ پائپ لائن بچھانا آسان نہیں ہے لیکن کم قیمت پر کم صلاحیت والے ایس ٹی پی ۔ڈی کی تعمیر ممکن ہے۔
انہوں نے کہا کہ ڈی سینٹرلائزڈ سیوریج ٹریٹمنٹ پلانٹ کے ذریعے دہلی کی زیادہ تر کالونیوں کو پانی کی بڑھتی ہوئی آلودگی، بدبو اور زیر زمین پانی کی سطح گرنے کے بوجھ سے نجات دلائی جائے گی۔ ان کی تعمیر کے لیے دستیاب جگہ کو کفایت شعاری سے استعمال کیا جائے گا۔ جہاں ڈی سینٹرلائزڈ-ایس ٹی پی جمالیاتی لحاظ سے بھی خوبصورت ہوگا جبکہ عوامی سہولت سےاس پر بھی کوئی سمجھوتہ نہیں ہوگا۔ دہلی سرکار منڈکا کے دیہی علاقوں میں سیوریج کا جال بچھائے گی اور ساتھ ہی 26 ایم ایل ڈی صلاحیت والا ڈی ایس ٹی پی بھی تعمیر کیا جائے گا۔
نائب وزیر اعلیٰ نے کہا کہ ڈی ایس ٹی پی، ڈبلیو پی ایس کی تعمیر کے علاوہ منڈکا اسمبلی حلقہ کے تحت نظام پور، گھیورا، کنجھ والا، محمد پور ماجرا گروپ کی کالونیوں میں بھی سیوریج لائنیں بچھائی جائیں گی۔ یہاں گڑھی رندھالہ میں 1 ایم ایل ڈی ڈی ایس ٹی پی، نظام پور اور ساودہ میں 6 ایم ایل ڈی ڈی ایس ٹی پی،گھیورا میں 2 ایم ایل ڈی ڈی ایس ٹی پی، جونٹی اور تٹیسر میں 2 ایم ایل ڈی ڈی ایس ٹی پی، کنجھوالا اور لاڈ پور میں 5 ایم ایل ڈی ڈی ایس ٹی پی، محمد پور منجری اور کرالہ میں 10 ایم ایل ڈی ڈی ایس ٹی پی بنائے جائیں گے۔ ان تمام علاقوں میں 26 ایم ایل ڈی کی کل صلاحیت کے ڈی سینٹرلائزڈ سیوریج ٹریٹمنٹ پلانٹس لگائے جائیں گے۔ منڈکا بھیسیور لائنیں ملحقہ کالونیوں میں بچھائی جائیں گی جن میں کے جونٹی-تٹیسر گاو¿ں، محمد پور منجری اور کرالہ گاو¿ں شامل ہیں۔
اس کے ساتھ ہی سرکارکنجھوالا اور لاڈ پور گاو¿ں، نظام پور اور ساودا، گھیورا گاو¿ں کے ساتھ ساتھ قریبی کالونیوں میں سیور کے مسئلے کو حل کرنے کے لیے سیوریج لائنیں بچھائے گی۔ اس سے علاقے کے لاکھوں لوگوں کو سیوریج کی فراہمی ہوگی۔مسئلہ سے چھٹکارا ملے گا۔ منڈکا اسمبلی حلقہ کے تحت آنے والے ان دیہی علاقوں میں ڈی سینٹرلائزڈ سیوریج ٹریٹمنٹ پلانٹس اور سیوریج لائن بچھانے کے پروجیکٹ میں 427.6 کروڑ روپے خرچ کیے جائیں گے۔ بوانا میں ڈی سینٹرلائزڈ سیوریج ٹریٹمنٹ پلانٹ تعمیر کیا جائے گا۔پروجےکٹوں کے مکمل ہونے کے بعد کل 24 غیر مجاز کالونیوں سمیت 9 دیہاتوں کو فائدہ پہنچے گا۔ اس پروجیکٹ کی لاگت تقریباً 132.6 کروڑ روپے ہوگی۔
