ویلنگٹن (یو این آئی؍ژنہوا) نیوزی لینڈ میں ایک ہفتے کے دوران کورونا وائرس (کوویڈ(19- کے متاثرین میں 12699 کے اضافے کے درمیان اتوار کے روز کورونا اومیکرون کی چوتھی ویریئنٹ BA.4 کے پہلے مریض کی اطلاع ملی۔وزارت صحت نے اتوار کے روز یہ اطلاع دی۔ وزارت نے بتایا کہ نیا کورونا اومیکرون کیس بیرون ملک سے نیوزی لینڈ آنے والے ایک شخص میں پایا گیا، جو اومیکرون کی چوتھی ویریئنٹ کا پہلا کیس ہے ۔ انہوں نے کہا کہ اس سے قبل اپریل میں نیوزی لینڈ میں اومیکرون کا دوسرا کیس سامنے آیا تھا جو بیرون ملک سفر سے واپس آئے تھے ۔وزارت صحت نے کہا کہ ملک میں دو دنوں میں کورونا وائرس سے 13 مریضوں کی موت ہوئی ہے ۔ اس کے ساتھ ہی نیوزی لینڈ کی سرحد پر کورونا وائرس (کووڈ(19- کے 138 نئے کیسز سامنے آئے ہیں۔ انہوں نے کہا کہ ملک میں کوروناوائرس کے آغاز سے اب تک 933464 کیسز رپورٹ ہوئے ہیں۔
