کیف: (یو این آئی) یوکرین کے صدر ولادیمیر زیلنسکی نے روس کے ساتھ جاری تنازع کے درمیان چین سے حمایت ملنے کی امید ظاہر کی ہے۔”میں چاہتا ہوں کہ عوامی جمہوریہ چین ہمارے ساتھ ہو، لیکن یہ ان کی خواہشات پر منحصر ہوگا،” زیلنسکی نے جمعہ کو فاکس نیوز چینل کو انٹرویو دیتے ہوئے کہا چین اور امریکہ کے درمیان براہ راست بات چیت کے بغیر ایسا کچھ کرنا مشکل ہے۔ زیلنسکی نے کہا کہ ان کا ملک دنیا کے باقی سرکردہ ممالک سے توقع کرتا ہے کہ اگر روس کے ساتھ جنگ کے خاتمے کے لیے کوئی معاہدہ طے پا جاتا ہے تو وہ یوکرین کی سلامتی کا مکمل خیال رکھنے کے اپنے عہد کو پورا کریں گے۔ انہوں نے کہا کہ وہ روس کے ساتھ معاہدے پر راضی ہیں۔ اس نے اپنے اس یقین کا بھی اعادہ کیا کہ یوکرین کیلئے نارتھ اٹلانٹک ٹریٹی آرگنائزیشن (ناٹو) کیلئے فائدہ مند ہو گا۔
انہوں نے کہا ’’ہمارے لیے ناٹو کے بارے میں بات کرنا مشکل ہے کیونکہ ناٹو ہمیں قبول نہیں کرنا چاہتا۔ میرے خیال میں یہ ایک غلطی ہے کیونکہ اگر ہم نا ٹو میں شامل ہوتے ہیں تو ہم نا ٹو کو مضبوط بناتے ہیں۔ ہم کمزور ریاست نہیں ہیں۔ ہم تجویز پیش نہیں کر رہے ہیں۔ میرے خیال میں ہم یوروپی براعظم کے اہم اجزاء میں سے ایک ہیں۔”
اس سے قبل چین نے یوکرین پر حملہ کرنے پر روس پر عائد مغربی پابندیوں میں شامل ہونے سے انکار کر دیا تھا۔ انہوں نے روس کے بیلگراڈ تیل کے ڈپو میں آگ لگنے سے متعلق سوال کا جواب دینے سے انکار کردیا۔
