واشنگٹن: (یو این آئی) امریکی صدر جو بائیڈن نے امریکی بحریہ کے سابق فوجی مارک فریرچ کی رہائی کا مطالبہ کیا ہے جنہیں دو سال قبل افغانستان میں یرغمال بنایا گیا تھا۔ فریرچ الینوائے کمپنی میں سول انجینئر تھا۔ مسٹر بائیڈن نے اتوار کو ایک بیان میں کہا کہ دو سال قبل سابق امریکی میرین مارک فریرچ کو افغانستان میں یرغمال بنایا گیا تھا۔ انہوں نے ایک دہائی تک افغانستان کے لوگوں کی مدد کی۔ انہوں نے وضاحت کی کہ فریرچ نے افغانستان میں کوئی غلط کام نہیں کیا، اس کے باوجود انہیں طالبان نے یرغمال بنایا ہوا ہے۔ مسٹر بائیڈن نے طالبان سے مارک کو فوری رہا کرنے کا مطالبہ کیا ہے۔
سکریٹری آف اسٹیٹ نیڈ پرائس نے کہا کہ امریکہ نے طالبان کے ساتھ ہر ملاقات میں مارک کی رہائی پر بات کی ہے اور ہم نے ہمیشہ یہ واضح کیا ہے کہ طالبان جس اختیار کے خواہاں ہیں اس پر غور کرنا ناممکن ہے، انہوں نے ایک امریکی شہری کو یرغمال بنایا ہے۔ مسٹر بائیڈن نے کہا کہ ہم طالبان رہنما کو پیغامات بھیجتے رہیں گے جس میں مارک کی فوری اور محفوظ رہائی کا مطالبہ کیا گیا ہے۔
