نئی دہلی،(یو این آئی): ہندوستان اور آسٹریلیا کے درمیان 2+2 وزارتی مذاکرات کے بعد، وزیر اعظم نریندر مودی نے آج آسٹریلیا کے وزیر اعظم سکاٹ موریسن کے ساتھ علاقائی اور آئندہ کواڈ میٹنگ سے متعلق امور پر بات چیت کی۔ بدھ کو ایک ٹویٹ پیغام میں وزیر اعظم نے کہا، “میرے دوست سکاٹ موریسن سے بات کر کے خوشی محسوس کر رہا ہوں۔ ہم نے انڈیا آسٹریلیا کمپوزٹ اسٹریٹجک پارٹنرشپ میں ہونے والی تیز رفتار پیش رفت کا جائزہ لیا۔ حالیہ تو پلس تو پر بھی بات چیت ہوئی۔ ہم نے علاقائی پیش رفت اور آئندہ کواڈ میٹنگ کے بارے میں بھی بات کی”۔
قابل ذکر ہے کہ دونوں ملکوں کے وزرائے خارجہ اور دفاع کے درمیان گذشتہ اتوار کو یہاں ٹو پلس ٹو مذاکرات ہوئے۔ اس میٹنگ میں دونوں ممالک نے افغانستان میں بر سرِ اقتدار طالبان سے مطالبہ کیا تھا کہ وہ اس بات کو یقینی بنائے کہ اس کی سرزمین دہشت گردانہ سرگرمیوں کے لیے استعمال نہ ہو۔
