کابل(ایجنسی): طالبان جنگجوؤں نے آج افغانستان کے اسد آباد شہر میں یوم آزادی کی ریلی میں قومی پرچم لہراتے ہوئے لوگوں پر فائرنگ کی جس سے متعدد افراد ہلاک ہوگئے۔ ایک عینی شاہد نے بتایا کہ ایک دن پہلے اسی طرح کے احتجاج میں تین افراد ہلاک ہوئے تھے۔ میڈیا رپورٹس کے مطابق طالبان کے افغانستان پر قبضے کے بعد یہ پہلا بڑا احتجاج ہے۔ احتجاج میں افغانستان کا قومی پرچم لہراتے ہوئے طالبان کے سفید جھنڈے پھاڑے گئے۔ مشرقی شہر کے رہائشی محمد سلیم نے بتایا کہ یہ واضح نہیں ہے کہ اسد آباد میں لوگ فائرنگ سے مارے گئے یا بھگدڑ مچ گئی، اس سے ہلاک ہوئے۔
سلیم نے کہا کہ سیکڑوں لوگ سڑکوں پر نکل آئے۔ “پہلے میں خوفزدہ تھا اور جانا نہیں چاہتا تھا ، لیکن جب میں نے دیکھا کہ میرا ایک پڑوسی اس میں شامل ہو گیا ہے ، تومیں نے گھر کا جھنڈا نکال دیا۔
طالبان کی جانب سے بھگدڑ اور فائرنگ سے کئی افراد ہلاک اور زخمی ہوئے ہیں۔ اس پیش رفت پر ابھی تک طالبان کی طرف سے کوئی رد عمل سامنے نہیں آیا ہے۔
افغانستان ہر سال 19 اگست کو برطانوی کنٹرول سے اپنی آزادی مناتا ہے۔ عینی شاہدین اور میڈیا رپورٹس کے مطابق ، طالبان جنگجوؤں نے بدھ کے روز جلال آباد میں سیاہ ، سرخ اور سبز قومی پرچم لہراتے ہوئے مظاہرین پر فائرنگ کی جس سے تین افراد ہلاک ہوگئے۔
