سری نگر: شمالی ضلع کپوارہ کے کرال پورہ گاؤں میں دوران شب آگ کی ایک واردات میں تین رہائشی مکان اور دوگاؤ خانے خاکستر ہوگئے۔
پولیس ذرائع نے بتایا کہ ضلع کپوارہ کے کرال پورہ گاؤں میں ہفتے کی شب ایک رہائشی مکان سے اچانک آگ نمودار ہوئی جس کے شعلوں نے چشم زدن میں دو متصل مکانوں کو اپنی لپیٹ میں لے لیا۔
انہوں نے بتایا کہ آگ کی واردات میں دو گاؤ خانوں کو بھی نقصان پہنچا۔
خاکستر شدہ مکانوں کے مالکان کی شناخت بشیر احمد بٹ ولد مرحوم خضر محمد بٹ، غلام احمد بٹ ولد دلاور بٹ اور غلام قادر بٹ ولد محمد افضل بٹ کے بطور ہوئی ہے جبکہ خاکستر شدہ گاؤ خانوں کے مالکان کی شناخت فاروق احمد بٹ ولد غلام رسول بٹ اور محمد اشرف بٹ ولد غلام رسول بٹ کے بطور ہوئی ہے۔
ذرائع کا کہنا ہے کہ آگ لگنے کی وجوہات معلوم کی جا رہی ہے۔
دریں اثنا ایک پولیس افسر نے واردات کی تصدیق کرتے ہوئے کہا کہ کپوارہ میں تین مکان اور دو گاؤ خانے نذر آتش ہوگئے ہیں۔
