واشنگٹن:امریکی صدر ڈونلڈ ٹرمپ نے کہا ہے کہ ملک کو دھوکہ دیا جارہا ہے اور وہ سپریم کورٹ سے صدارتی انتخابات کے تقدس کو یقینی بنانے کی درخواست کریں گے۔
اپنے حریفوں پر قوم کے ساتھ سازش کرنے کا الزام لگاتے ہوئے ڈونلڈ ٹرمپ نے کہا ’’ہماری قوم کے ساتھ بڑا دھوکہ ہورہا ہے‘‘۔
امریکی صدر ٹرمپ نے انتخابات کے بعد کہا’’ہم امریکہ کی سپریم کورٹ کا رخ کریں گے‘‘۔
امریکی صدر ڈونلڈ ٹرمپ نے گنتی کے آغاز پر اپنے حامیوں کا شکریہ ادا کرتے ہوئے کہا ہے کہ وہ انتخابی دوڑ میں کامیابی حاصل کررہے ہیں۔
ٹرمپ نے بدھ کی صبح کہا ’’ہم جیت رہے ہیں۔ آج کے انتخابی نتائج بے مثال ہوں گے۔‘‘
ڈونلڈ ٹرمپ نے انتخابی نتائج کے لئے پرجوش انداز میں ٹوئٹ کیا’’میں آج رات بیان جاری کروں گا۔ یہ ایک بڑی جیت ہوگی۔‘‘
انہوں نے کہا’’میں امریکی عوام کی زبردست حمایت پر ان کا شکریہ ادا کرنا چاہتا ہوں۔ لاکھوں لوگوں نے ہمیں ووٹ کیا۔
