ماسکو:جاپان کے نئے وزیراعظم یوشیہیدے سوگا نے کہا کہ وہ چینی صدر شی جنپنگ کے ساتھ دوطرفہ تعاون جاری رکھنے کے لئے متفق ہیں۔
سوگا نے شی جنپنگ کے ساتھ فون پر ہوئی بات چیت کے بعد جمعہ کو این ایچ کے براڈ کاسٹر سے کہا،’’صدر شی اور میں اعلی سطح پر مختلف دو طرفہ ،علاقائی اور عالمی مسئلوں سے نمٹنے میں قربت سے کام کرنا جاری رکھنے پر متفق ہوئے ہیں۔‘‘
جاپانی وزیراعظم کے مطابق مسٹر شی نے جاپان کے ساتھ تعلقات بڑھانے کی خواہش ظاہر کی ہے۔ سوگا نے مشرقی ایشیا اور پوری دنیا کے لئے جاپان اور چین کے درمیان واقع تعلقات کی اہمیت پر زور دیا۔
دونوں رہنماؤں نے کورونا وائرس کی وبا سے لڑنے کےلئے ایک ساتھ کام کرنے کے اپنے عزم کی بھی تصدیق کی۔ اس دوران جاپانی وزیراعظم نے مشرقی بحیرہ چین اور ہانگ کانگ کی موجودہ حالت پر تشویش کا اظہار کیا۔
واضح رہے کہ جاپانی ارکان پارلیمنٹ نے سابق وزیراعظم شنزو آبے کے استعفی کے بعد پچھلے ہفتے سوگا کو نیا وزیراعظم نتخب کیا۔ آبے نے صحت سے متعلق وجوہات سے اچانک 28 اگست کو عہدے سے استعفی دینے کا اعلان کردیا تھا۔
