بھوپال : مدھیہ پردیش کے وزیر اعلی شیوراج سنگھ چوہان نے آج کہا کہ عالمی وبا کورونا بحران کی وجہ سے پیدا ہونے والے شدید مالی بحران کے باوجود ریاستی حکومت غریبوں اور کسانوں کے مفادات کے تحفظ اور عوام کے ان حصوں کو مالی وسائل کی فراہمی کے لئے پرعزم ہے اور ان طبقوں کے لوگوں کو مالی وسائل کی کمی نہیں آنے دی جائے گی۔
شیوراج چوہان نے یہاں ریاستی حکومت کی سنبل اسکیم کے مستفید افراد کو فوائد کی تقسیم کے پروگرام سے خطاب کیا۔ اس موقع پر وزیر محنت برجندر پرتاپ سنگھ ، دیگرعوامی نمائندے اورعہدیدار بھی موجود تھے۔ شیوراج چوہان نے متعدد مستحقین سے ویڈیو کانفرنسنگ کے ذریعے بات چیت کی اور متعلقہ مستحقین کے اکاؤنٹس میں الیکٹرانک ٹرانسفر کے ذریعہ رقوم کی منتقلی ۔
اپنے خطاب میں شیوراج چوہان نے کہا کہ اس میں کوئی شک نہیں کہ کورونا کے غیرمعمولی بحران کی وجہ سے ریاست کی مالی صورتحال اچھی نہیں ہے۔ لیکن ہم غریبوں کے مفادات سے متعلق اسکیموں کو جاری رکھیں گے۔ نئی اسکیمیں بھی لائی جارہی ہیں۔ اس کے لئے رقم کی کوئی کمی نہیں ہوگی۔ حکومت ابھی بھی قرض لے رہی ہے اور کورونا بحران کے بعد ، جب حالات معمول پر ہوں گے ، معاشی سرگرمیاں بڑھ جائیں گی ، حکومت یہ قرض واپس کردے گی۔
