روم : اسپینش ٹینس اسٹار رافیل نڈال کا اٹالین اوپن ٹینس میں سفر اختتام پذیر ہوگیا، ویمن کیٹگری میں اسپین کی گاربائن مگوروزا اور رومانیہ کی سیمونا ہالیپ نے سیمی فائنل کا ٹکٹ کٹوا لیا۔
اسپینش ٹینس اسٹاررافیل نڈال کا اٹالین اوپن ٹینس کا سیمی فائنل کھیلنے کا خواب ادھورا رہ گیا، اسپینش ٹینس اسٹار کو ارجنٹائن کے ڈائیگو شوارٹز مین کے ہاتھوں اپ سیٹ شکست کا سامنا۔
رافیل نڈال کوارٹر فائنل میں ارجنٹائن کے ڈائیگو شوارٹز کے مدمقابل ہوئے، ارجنٹائن ٹینس پلیئر نے شاندار آغاز کرتے ہوئے چھ، دو سے پہلا سیٹ جیت کر برتری حاصل کرلی۔
دوسرے سیٹ میں رافیل نڈال نے میچ میں واپسی کی بھرپور کوشش کی اور دونوں کھلاڑیوں کے درمیان دلچسپ مقابلہ ہوا، تاہم شوارٹز مین نے سات پانچ سے سیٹ جیت کر سیمی فائنل مرحلے میں رسائی حاصل کرلی۔
دوسرے کوارٹر فائنل میں کینیڈا کے شپالوف نے بلغاریہ کے دیمتروف کو شکست دی۔
ویمن کیٹگری میں اسپین کی گاربائن مگوروزا اور رومانیہ کی سیمونا ہالیپ نے سیمی فائنل کا ٹکٹ کٹوا لیا۔
