نئی دہلی : ہندستانی کرکٹ ٹیم کے آل راؤنڈر ہاردک پانڈیا کے والد بن گئے ہیں۔ ان کی اہلیہ نتاشا اسٹانکوچ نے بیٹے کو جنم دیا ہے۔ہاردک پانڈیا نے یہ جانکاری سوشل میڈیا پر شیئر کی ہے۔ انہوں نے انسٹاگرام پر بیٹے کی تصویر شیئر کرتے ہوئے لکھا کہ ہمارے گھر میں بےبی لڑکا پیدا ہوا ہے۔
تاہم انہوں نے تصویر میں بچے کا چہرہ نہیں دکھایا۔
یہ امر قابل ذکر ہے کہ 31 مئی 2020 کو ہاردک پانڈیا اور اداکارہ نتاشا اسٹانکوچ نے اپنے سوشل میڈیا اکاؤنٹس سے آگاہ کیا تھا کہ ننھا مہمان ان کے گھرآنے والا
ہے۔ اس سال کے شروع میں ہاردک اور نتاشا نے منگنی کا اعلان کیا تھا۔ دونوں نے کوویڈ ۔19 کی وبا کی وجہ سے ملک میں لاک ڈاؤن کے دوران شادی کی تھی۔
پانڈیا ہندستان کے لئے اب تک 11 ٹیسٹ ، 54 ون ڈے اور 40 ٹی 20 میچ کھیل چکے ہیں۔ انہوں نے آخری بار ہندستان کے لئے گذشتہ سال ستمبر میں بنگلور میں
جنوبی افریقہ کے خلاف ٹی ٹوئنٹی کھیلا تھا۔
