جونپور: اترپردیش کے ضلع جونپور کی لائن بازار علاقے میں پولیس نے کانگریس کے اقلیتی سیل کے قومی چئیر مین اور جونپور صدر کے سابق ایم ایل اے ندیم جاوید سمیت 25نامعلوم کانگریسی کارکنوں کے خلاف مقدمہ درج کیا ہے۔
ایس پی ششیل کمار سنگھ نے بتایا کہ پٹرول۔ڈیزل کی قیمتوں میں اضافہ کے سلسلے میں پیر کو سابق رکن اسمبلی ندیم جاوید کی قیادت میں کانگریس کارکنوں نے کلکٹریٹ میں احتجاجی مظاہرہ کیا تھا اور حکومت مخالف نعرے لگائے تھے۔
اس دوران ریلی نکالنے پر احتجاجیوں کے خلاف لاک ڈاؤن و حکم امتناعی کی خلاف ورزی کرنے کے الزام میں منگل کی دیر رات لائن بازار تھانے میں مقدمہ درج کرایا گیا ہے۔ نامعلوم ملزمین کی شناخت کیمرے میں قید فوٹو سے کی جارہی ہے۔
سوشل میڈیا پر ہمارے ساتھ جڑنے کے لیے یہاں کلک کریں۔
Click 👉 https://bit.ly/followRRS
