جے پور:راجستھان کے وزیراعلی اشوک گہلوت نے نوجوانوں سے سوشل میڈیا کا مثبت استعمال کرنے کی اپیل کی۔گہلوت نے آج "سوشل میڈیا ڈے "کے موقع پر کہاکہ نوجوان نسل سوشل میڈیا پر کافی فعال ہے،یہ سماجی خدمت کا ایک بڑا پلیٹ فارم بن سکتا ہے اور بن بھی رہا ہے۔اس کا صحیح اور مثبت استعمال کیا جانا چاہئے۔انہوں نے کہا کہ کوویڈ 19 عالمی وبا کے وقت میں اس سے بچاؤ کےتئیں شوشل میڈیاپربیداری پھیلانے اورلوگوں کے تعاون کےلئے آگے آنے والے سوشل میڈیا کے یوزرس مبارک باد کے حق دار ہیں۔
گہلوت نے کہا کہ سوشل میڈیاپرایسی تمام سرگرمیوں سے دور رہنا چاہئے جو منفی سوچ پھیلانےوالی ہوں۔نوجوان اس کے ذریعہ سے ایسی دنیا بنائیں جو سچ پرمبنی ہو اور مثبت طورپرحقائق کو سبھی کے سامنے رکھتے ہوئے ملک،سماج میں بیداری پھیلاے کا کام کریں۔
سوشل میڈیا پر ہمارے ساتھ جڑنے کے لیے یہاں کلک کریں۔
Click 👉 https://bit.ly/followRRS
