واشنگٹن: بین الاقوامی مالیاتی فنڈ (آئی ایم ایف) نے وسطی امریکی ملک گواٹے مالا کو کورونا وبا سے لڑنے اور دیگر ضرورتیں پوری کرنے کے لئے 59.4 کروڑ ڈالر کی مالی مدد دینے کا فیصلہ کیا ہے۔
آئی ایم ایف نے بدھ کی تاخیر شب ایک بیان جاری کرکے کہا کہ’’آئی ایم ایف کے ایکزیکیٹیو بورڈ نے گواٹے مالا کی 59.4 کروڑ ڈالر کی ہنگامی مالی مدد کی درخواست کو منظوری دے دی ہے۔ اس رقم سے ملک کو کووڈ۔ 19 وبا سے پیدا ہوئی اقتصادی ضرورتوں کو فوری طور پر پورا کرنے میں مدد ملے گی اور دیگر ترقیاتی شراکت داروں سے فاضل رقم حاصل کرنے میں مدد ملے گی۔
تنظیم کے مطابق کورونا وائرس کے قہر کے اقتصادی اور سماجی اثر کو دور کرنے کےلئے گواٹے مالا کو وسائل کے ساتھ مالی مدد دی جائے گی۔
آئی ایم ایف کے ڈپٹی منیجنگ ڈائریکٹر متسو ہیرو فوروسووا نے کہا ’’گواٹے مالا کے افسران نے یہ یقینی بنانے کےلئے اپنی عہد بستگی کا اظہار کیا ہے کہ ہنگامی مالی اعانت کا اثر انگیز، شفاف اور گڈ گورننس کے ذریعہ استعمال کیا جائے گا‘‘۔
واضح رہے کہ گواٹے مالا میں اب تک کورونا کے 7866 معاملے درج کئے گئے ہیں اور 289 لوگوں کی اموات ہوچکی ہیں۔
