ممبئی: بالی وڈ اداکارہ اورسابق مس یونیورس سشمیتا سین ویب سیریزکے ذریعہ اداکاری کی دوسری باری کھیلیں گی۔ سشمیتا نے اپنی آنے والی ویب سیریزآریہ کا فرسٹ لک شیئر کیا ہے۔یہ سیریز جلد ہی ڈزنی ہاٹ اسٹارپرریلیزکی جائے گی۔سشمیتا اس سیریز کے فرسٹ لک میں کافی ایتھلیٹک نظرآرہی ہیں اورانہیں رسی پر چڑھتے ہوئے دیکھا جاسکتا ہے اوروہ اس ویڈیو میں ایریل ورک آؤٹ کررہی ہیں۔ ایسا خیال ہے کہ وہ اس شو میں کرائم ڈٹیکٹیو کا کردار نبھاسکتی ہیں۔
سشمیتا کی اس نئی ویب سریز کی ہدایتکاری رام مادھوانی کررہے ہیں۔ انہوں نے 2016 میں ریلیزسونم کپور کی فلم ’نیرجا‘کی ہدایت کاری کی تھی۔ سشمیتا سین
آخری مرتبہ 2010 میں ہندی فلم ’نو پرابلم‘میں دیکھا گیا تھا۔ اس کے پانچ سال بعد وہ ایک بنگالی فلم ’نرباک‘میں نظر آئی تھیں۔
سوشل میڈیا پر ہمارے ساتھ جڑنے کے لیے یہاں کلک کریں۔
Click 👉 https://bit.ly/followRRS
