سلمان خان نے بھائی بھائی گانے میں مذہبی یکجہتی کا پیغام دیا

بالی ووڈ کے دبنگ اسٹار سلمان خان نے بھائی بھائی گانا ریلیز کرکے اپنے مداحوں کو عید کا تحفہ دیا ہے۔سلمان خان گزشتہ کئی برسوں سے اپنے فینس کو عید کے موقع پر نیا سرپرائز دیتے رہے ہیں۔اس سال بھی انہوں نے اپنی فلم رادھے کی ریلز ہونے کا اعلان کیا تھا۔لاک ڈاؤن کی وجہ سے اس فلم کی شوٹنگ پوری نہیں ہوسکی لیکن سلمان نے عید کے موقع پر اپنا گانا بھائی بھائی ریلیز کیا۔
اس گانے میں سلمان خان مذہبی یکجہتی کا پیغام دے رہے ہیں۔اس گانے کو سلمان خان اور روحان ارشد نے اپنی آواز دی ہے۔ساجد واجد نے میوزک کمپوز کیا ہے۔
خیال رہے کہ اس سے قبل سلمان خان لاک ڈاؤن میں دو گانے پیار کرونا اور تیرے بنا ریلیز کرچکے ہیں۔