کولکاتہ: بردوان میڈیکل کالج و اسپتال میں آئی سی ایم آر سے منظوری ملنے کے بعد آر ٹی پی سی آر ڈیوائز سے کورونا وائرس کی
جانچ شروع ہوگئی ہے۔ اس سے قبل یہاں سی بی این اے ٹی ڈیوائز سے کورونا وائرس کی جانچ کی جارہی تھی۔ بردوان میڈیکل کالج و اسپتال انتظامیہ کو
آئی سی ایم آر سے منظوری کا شدت سے انتظار تھا۔
ضلع ڈی ایم وجے بھارتی نے کہا ہے کہ آسی ایم آر سے منظوری ملنے کے بعد بردوان ضلع میں آرٹی پی سی آر ڈیوائز سے کورونا وائرس کی جانچ
شروع کردی گئی ہے۔ اس سے قبل سی بی این اے ٹی ڈیوائزمشین سے جانچ کی جارہی تھی۔ انہوں نے کہا کہ اس کے بعد جانچ میں تیزی آئے گی۔ اس سے
قبل آئسولیشن وارڈ میں داخل مریض جن میں کورونا کے علامات تھے، ان کی جانچ کی جارہی تھی۔ باقی کے نمونے آر جی کار اسپتال کولکاتہ میں بھیجے
جارہے تھے۔
آر ٹی پی سی آر ڈیوائز کی وجہ سے بردوان میں ہی ایک دن میں کئی دن کے ٹسٹ ہوں گے اور رپورٹ بھی جلد آئے گی۔ اس سے قبل کولکاتہ سے رپورٹ
آنے کے انتظار میں تاخیر ہوتی تھی۔
لاک ڈاؤن شروع ہونے کے بعد آئی سی ایم آر سے بردوان میڈیکل کالج میں لیبارٹری کی منظوری کیلئے آئی سی ایم آر کو درخواست دی گئی تھی۔ مگر آر ٹی
پی سی آر مشین نہیں ہونے کی وجہ سے منظوری نہیں مل رہی تھی۔ کافی تلاش کے بعد بردوان یونیورسٹی کے ایک شعبے سے مشین یہاں لاکر رکھی گئی
ہے اس کے بعد ہی ہمیں منظوری ملی ہے۔ سی بی این اے ٹی ڈیوائز سے عمومی طور پر ٹی بی کی جانچ کی جاتی ہے۔ تاہم کورونا کے جانچ میں بھی کام
آرہا تھا۔ مگر اس مشین سے زیادہ سے زیادہ جانچ نہیں کی جاسکتی تھیں۔
