امریکہ میں کوروناوائرسس كووڈ 19‘سے 75ہزارافراد ہلاک

واشنگٹن:امریکہ میں عالمی وبا کورونا وائرس كووڈ 19‘کے شدید قہر سے ملک میں 75 ہزار سے زائد افراد ہلاک ہو  گئے ہیں ۔جان ہاپکنز یونیورسٹی کی جانب سے جاری تازہ اعداد و شمار کے مطابق امریکہ میں جمعرات کی دوپہر تک 75،054  افراد ہلاک ہو گئے ہیں اور اب تک 12 لاکھ 50 ہزار سے بھی زائد افراد  وائرس کی  گرفت  میں آچکے ہیں ۔اعداد و شمارکے مطابق امریکہ میں اب تک 195،000 افراد صحتیا ب بھی ہو گئے ہیں ۔ اس کے علاوہ دنیا میں کوروناسے اب تک 267،000افراد ہلاک ہو چکے ہیں اور تقریبا 38 لاکھ  افراد اس خطرناک بیماری کا شکار ہیں ۔