کویت سٹی: دوحہ اور ریاض نے سال 2030 میں ہونے والے 21 ویں ایشیائی کھیلوں کے لئے اپنی دعویداری پیش کی ہے۔ ایشیائی اولمپک کونسل (او سی اے) نے بتایا کہ اسے 2030 میں 21 ویں ایشیائی کھیلوں کی میزبانی کے لئے قطر کی راجدھانی دوحہ اور سعودی عرب کے دارالحکومت ریاض سے دعویداری ملی ہے۔او سی اے نے ان کھیلوں کی میزبانی کے لئے دعویداری پیش کرنے کی ڈیڈ لائن 22 اپریل رکھی تھی۔
دوحہ نے 2006 میں 15 ویں ایشیائی کھیلوں کی میزبانی کی لیکن سعودی عرب نے کبھی بھی او سی اے کے ان کھیلوں کی تقریب کو منعقد نہیں کیا۔ 19 ویں ایشیائی کھیل چین کے هانگزھو میں 2022 میں منعقد ہوں گے جبکہ 20 ویں ایشیائی کھیل جاپان کے ايچي ناگویا میں 2026 میں ہوں گے۔
او سی اے نے 23 جنوری 2020 کو تمام 45 قومی اولمپک کمیٹیوں کو سرکلر بھیجا تھا اور 2030 کے ایشیائی کھیلوں کے لئے بولیاں مدعو کی تھیں۔بولی بھیجنے
کی آخری تاریخ 22 اپریل تھی۔ 21 ویں ایشیائی کھیلوں کے میزبان کا انتخاب 29 نومبر 2020 کو او سی اے کی عام میٹنگ میں کیا جائے گا جس کا انعقاد چین کے سانیا میں چھٹے ایشیائی بیچ کھیلوں کے موقع پر کیا جائے گا۔
