کورونا وائرس وبا اس وقت دنیا بھر میں تیزی سے پھیل رہا ہے۔ ہندوستان میں اب تک100 سے زائد افراف ہلاک ہو چکے ہیں اور 4067 لوگ اس کی زد میں آگئے ہیں۔ اس وائرس پر قابو پانے کے لئے حکومت نے ملک گیر لاک ڈاوں اعلان کیا۔ بالی ووڈ کی مشہور شخصیت سلمان خان نےلاک ڈاون کے درمیان انسٹا گرام پر ایک ویڈیو شیئر کیا۔اس ویڈیو میں سلمان نے بتایا ہے کہ وہ کس قدر ڈر گئےہیں۔
سلمان خان نے انسٹاگرام پر ایک ویڈیو شیئر کیا ہے، جس میں وہ سہیل خان کے بیٹے اور اپنے بھتیجے نروان خان کے ساتھ ہیں۔ اس ویڈیو کی شروعات میں ہی سلمان خان بتاتے ہیں کہ وہ بری طرح ڈرگئے ہیں۔ سلمان خان اس ویڈیو میں کہتے ہیں کہ ’ہم لوگ یہاں آئے تھے کچھ دنوں کے لئے اور اب ہم یہیں پر ہیں، تو ہم لوگ بھئی ڈرگئے ہیں۔ نروان سہیل کے بیٹے ہیں، انہوں نے اپنے والد کو تین ہفتوں سے نہیں دیکھا اور میں نے بھی اپنے والد کو تین ہفتے سے نہیں دیکھا۔ ہم لوگ یہاں پر ہیں اور میرے والد اکیلے گھر پرہیں
سلمان خان آگے کہتے ہیں- ’آپ کو وہ ڈائیلاگ یاد ہے؟ جو ڈرگیا سمجھو مرگیا… لیکن وہ یہاں پرنافذ نہیں ہوتا۔ آپ لوگ بھی زیادہ ذہین مت بنیں۔ اس پر نروان خان کہتے ہیں کہ ’بہادری دکھانے سے بہتر ہوگا کہ آپ سبھی گھر پر ہی رہیں۔ کسی بھی طرح کے رابطہ سے بچیں۔ مجھے لگتا ہے کہ جتنا ہم گھر پر رہیں گے، اتنی ہی جلدی یہ سب ٹھیک ہوگا’۔ سلمان خان کہتے ہیں کہ ’جو ڈرگیا سمجھو بچ گیا اور اس نے بہت سارے لوگوں کو بچایا بھی’۔
واضح رہے کہ سلمان خان ان دنوں اپنے پنویل واقع فارم ہاوس میں ہی ہیں، وہ لاک ڈاون کے پہلے ہی یہاں آئےتھے۔ اس کے بعد سے وہ گھر نہیں جا پائے ہیں۔
