نئی دہلی: دہلی کے وزیر اعلی اروند کیجریوال کی مشکلات میں روز بروز اضافہ ہو رہا ہے۔ دہلی پولیس کی کرائم برانچ (Delhi Police Crime Branch) کی ایک ٹیم جمعہ کی رات کیجریوال اور دہلی حکومت کی وزیر آتشی کے گھر نوٹس دینے پہنچی۔ دہلی کرائم برانچ کے اے سی پی موقع پر ہیں۔ یہ معاملہ ایم ایل اے کے ہارس ٹریڈنگ کے الزامات سے متعلق ہے۔ اروند کیجریوال نے بی جے پی پر اپنے ایم ایل ایز کو خریدنے کی کوشش کرنے کا الزام لگایا تھا۔ کیجریوال نے کہا کہ ان کے 21 ایم ایل اے کو توڑنے کا منصوبہ ہے۔ بی جے پی نے اس کی شکایت کرائم برانچ سے کی تھی۔ اس سلسلے میں ان کے سات ایم ایل ایز سے بھی رابطہ کیا گیا۔
دہلی حکومت کی وزیر آتشی نے ایک پریس کانفرنس میں یہ بات کہی۔ انہوں نے کہا تھا کہ بی جے پی عام آدمی پارٹی کے اراکین اسمبلی کو رخ بدلنے کے لیے 25-25 کروڑ روپے کی پیشکش کر رہی ہے۔ آتشی نے دعویٰ کیا تھا کہ AAP کے پاس اس کا ان کے پاس ثبوت ہے۔ انہوں نے کہا تھا کہ وقت آنے پر آڈیو کلپ جاری کیا جائے گا۔
رپورٹ کے مطابق کرائم برانچ کی ٹیم کیجریوال اور آتشی کے گھر نوٹس دینے گئی تھی، لیکن دونوں کے گھر پر کسی کی موجودگی نہیں ہونے سے نوٹس نہیں دیا گیا۔ آتشی گھر پر نہیں تھیں اور وزیر اعلی کیجریوال بھی رہائش گاہ پر نہیں ملے۔ ایسے میں کرائم برانچ کی ٹیم واپس لوٹ گئی۔
مزید پڑھیں: گیان واپی مسجد پر بولے مولانا ارشد مدنی، لوگوں کا عدلیہ پر اعتماد کمزور ہوا ہے
یہ بھی پڑھیں: چمپائی سورین جھارکھنڈ کے بارہویں وزیر اعلی بنے، عالمگیر سمیت دیگر لیا حلف
وہیں دوسری طرف، عام آدمی پارٹی (اے اے پی) اور بی جے پی کارکنوں نے جمعہ کو دہلی میں ایک دوسرے کے خلاف مظاہرہ کیا۔ AAP نے چندی گڑھ کے میئر انتخابات میں دھاندلی کا الزام لگاتے ہوئے بی جے پی کے دفتر کا گھیراؤ کرنے کی کوشش کی۔ وہیں بی جے پی کارکنوں نے دہلی میں شراب گھوٹالہ کو لے کر آپ کے دفتر کے سامنے مظاہرہ کیا۔
