بنگلورو (ایجنسیاں): کرناٹک ایگزامینیشن اتھارٹی (کے ای اے) نے دھاندلی سے بچنے کے لیے مختلف بورڈز اور کارپوریشنوں کے بھرتی امتحانات کے دوران امتحان ہال میں سر ڈھانپنے پر پابندی لگا دی ہے۔ تاہم، ڈریس کوڈ واضح طور پر حجاب پر پابندی نہیں لگاتا۔ حکم نامے میں کہا گیا ہے کہ یہ بلوٹوتھ ڈیوائسز کا استعمال کرکے امتحان میں ہونے والی چوری کو روکنے کی کوشش کا حصہ ہے۔اس سے قبل 6 نومبر کو کرناٹک پبلک سروس کمیشن کے امتحان میں شرکت کرنے والی ایک خاتون کو امتحان ہال میں داخل ہونے سے پہلے اپنا منگل سوتراتارنے کےلئے کہا گیا۔
ہندوتو گروپوں کے احتجاج کے بعد، کے ای اے نے اب خواتین کو امتحان ہال میں منگل سوتر اور بیچھیا پہننے کی اجازت دیدی ، جبکہ دیگر زیورات پر پابندی لگا دی ہے۔واضح رہے کہ ریاست بھر کے مختلف بورڈز اور کارپوریشنوں کے بھرتی کے امتحانات 18 اور 19 نومبر کو ہونے والے ہیں۔یہ فیصلہ بلیو ٹوتھ ڈیوائسز کے استعمال سے متعلق شکایات کے بعد کیا گیا۔ اس سے پہلے اکتوبر میں کرناٹک حکومت نے طالبات کو مقابلہ جاتی امتحانات کے دوران حجاب پہننے کی اجازت دی تھی۔
اعلیٰ تعلیم کے وزیر ایم سی سدھاکر نے امیدواروں کو حجاب پہن کر امتحان مراکز میں آنے کی اجازت دی تھی جس کے بعد دائیں بازو کے گروپوں نے احتجاج شروع کر دیا تھا۔ تاہم، کچھ طلباکی طرف سے بلوٹوتھ ڈیوائسز کے استعمال کی شکایات کے بعد، ریاستی حکومت نے اس بار پابندی لگانے کا فیصلہ کیا۔ریاستی حکومت نے 11 نومبر کو ریاستی سی آئی ڈی کو اس واقعہ کی تحقیقات کا حکم دیا تھا جس میں کلبرگی اور یادگیر کے امتحان مراکز میں امتحان دینے والوں نے کے ای اے کے ذریعہ اکتوبر 2023 میں منعقدہ امتحان میں مبینہ طور پر بلوٹوتھ آلات کا استعمال کیا تھا۔ امتحان ڈریس کوڈ کے تحت لڑکیوں کو اونچی ہیلس، جینس اور ٹی شرٹ پہننے پرروک لگائی گئی ہے، جبکہ مردوں کو ہاف سوئیل شرٹ پہننے کی اجازت ہے، جو ان کی پتلون کے ساتھ ان نہیں ہو۔
مزید پڑھیں: غزہ: الشفا اسپتال کے کمپاؤنڈ میں شہید 179 فلسطینیوں کی اجتماعی قبر میں تدفین کردی گئی
2022 میں سپریم کورٹ نے ریاست کے تحت آنے والی کلاسیز میں حجاب پر پابندی لگانے کے کرناٹک حکومت کے فیصلے کو برقرار رکھاتھا۔ ریاستی حکومت نے اس فیصلہ کو 10ویں اور 12ویں جیسے بورڈ کے دیگر امتحانات جماعت کے ساتھ ساتھ کے ای اے کے ذریعہ منعقد کیے جانے والے مشترکہ داخلہ جاتی امتحان تک بڑھا دیا تھا۔
