غزہ: اسرائیلی فضائی حملوں میں جاں بحق فلسطینیوں کی تعداد 1100 تک پہنچ گئی ہے۔ غزہ میں وزارت صحت نے بدھ کو ایک بیان میں یہ اطلاع دی۔ یہ فضائی حملے ہفتے کے روز اسلامی مزاحمتی تحریک (حماس) کے بڑے پیمانے پر کیے گئے اچانک حملے کے جواب میں کیے گئے۔
بیان میں کہا گیا ہے کہ (اسرائیلی) فورسز کے حملے میں 1217 بچوں اور 744 خواتین سمیت تقریباً 5339 فلسطینی زخمی ہوئے۔ وزارت کے انڈر سیکرٹری یوسف ابو الریش نے صحافیوں کو بتایا کہ فلسطینی انکلیو کے تمام اسپتال بھرے ہوئے ہیں اور تنازعہ جاری رہنے کے باعث ادویات ختم ہونے والی ہیں۔
مزید پڑھییں: غزہ کی صورت حال تباہ کن ،خوراک، پانی اور بجلی کی فراہمی مسلسل کم ہوتی جا رہی ہے
ابو الریش نے کہا کہ وزارت زخمیوں اور بیماروں کے لیے ہنگامی خدمات جاری رکھنے کے لیے جنریٹروں کی محدود طاقت کا استعمال کر رہی ہے، کیونکہ غزہ کی پٹی کے پاور پلانٹس میں ایندھن ختم ہو چکا ہے اور اسرائیل نے بجلی منقطع کر دی ہے۔
