بیتول: (یو این آئی) مدھیہ پردیش کے بیتول ضلع کے چیچولی تھانہ علاقے میں ٹریکٹر ٹرالی الٹنے سے پانچ افراد کی موقع پر ہی موت ہو گئی اور 20 سے زیادہ زخمی ہو گئے۔ شاہ پور سب ڈویژنل آفیسر پولیس (ایس ڈی او پی) مہندر سنگھ مینا نے بتایا کہ بونڈری گاؤں کے لوگ ایک ٹریکٹر ٹرالی میں شادی شدہ خاتون کو لینے املیدھانا گئے تھے۔ ٹریکٹر ٹرالی میں خواتین، بچوں سمیت تقریباً 35 دیہاتی بیٹھے تھے۔
انہوں نے بتایا کہ کل دیر رات گاؤں واپس آتے ہوئے کنہگاؤں-کیسیا کے درمیان ڈرائیور کی لاپروائی کی وجہ سے ٹریکٹر ٹرالی الٹ گئی۔ اس کی وجہ سے سمو یوکی (70)، شیو دیال مرسکول (50)، اوجھو یوکی (60)، مالیہ کاکوڈیا (50) اور سوگندھی یوکی (55) کی موقع پر ہی موت ہوگئی۔
زخمیوں کو چیچولی کے کمیونٹی ہیلتھ سینٹر میں داخل کرایا گیا۔ ان میں سے تقریباً 14 زخمیوں کی حالت نازک ہے اور انہیں بہتر علاج کے لیے ضلع اسپتال بھیجا گیا ہے۔
ٹریکٹر ٹرالی حادثے میں 5 افراد جاں بحق، 20 کے قریب زخمی
سوشل میڈیا پر ہمارے ساتھ جڑنے کے لیے یہاں کلک کریں۔
Click 👉 https://bit.ly/followRRS
