نئی دہلی: مسافر گاڑیوں کی خوردہ فروخت دسمبر میں 24 فیصد بڑھ کر دو لاکھ 71 ہزار کو عبور کرگئی۔
فیڈریشن آف آٹو ڈیلرز (ایف اے ڈی اے) کے جاری کردہ اعداد و شمار کے مطابق،دسمبر 2019 کے مقابلے میں دسمبر 2020 میں مسافر گاڑیوں،دو پہیا گاڑیوں اور ٹریکٹروں کی فروخت میں اضافہ درج کیا گیا،جب کہ تجارتی گاڑیاں اور تین پہیا گاڑیوں والے یونٹ میں کمی واقع ہوئی۔ مسافرگاڑیوں کی فروخت 23.99 فیصد اضافے سے 2،71،249 ہوگئی۔ دسمبر 2019 میں ، ملک میں 2،18،775 مسافر گاڑیاں فروخت ہوئیں۔ دو پہیا گاڑیوں کی فروخت 11.88 فیصد اضافے سے 14،24،620 یونٹ اور ٹریکٹر کی فروخت 35.49 فیصد اضافے سے 69،105 یونٹس ہوگئی۔
ایف اے ڈی اے کے صدر ونکیش گلاٹی نے بتایا کہ دسمبر میں پہلی بار گاڑیوں کی خوردہ فروخت میں اضافہ ہوا ہے۔ اچھے خریف موسم میں دو پہیا گاڑیوں کے لئے پیش کش اور مسافر گاڑیوں اور دو پہیا گاڑیوں میں نئے لانچوں کی وجہ سے دیکھی گئی ہے۔
تجارتی گاڑیوں کی فروخت 13.52 فیصد کمی سے 51،454 یونٹ رہی۔ ہلکہ کمرشل گاڑیوں کی فروخت میں 11.22 فیصد ،درمیانے درجے کی کمرشل گاڑیاں 16.24 فیصد اور بھاری تجارتی گاڑیوں کی 27.01 فیصد کمی ریکارڈ کی گئی۔
ملک میں گاڑیوں کی کل فروخت 11.01 فیصد اضافے سے 18،44،143 یونٹ ہوگئی۔ دسمبر 2019 میں یہ تعداد 16،61،245 یونٹ رہی۔
فاڈا کے پریس ریلیز میں کہا گیا ہے کہ متعدد کمپنیوں نے جنوری سے قیمتوں میں اضافے کا اعلان کیا تھا جس کی وجہ سے دسمبر 2020 میں مسافر گاڑیوں اور دو پہیوں کی فروخت میں اضافہ ہوا۔ تاہم ، جنوری میں فروخت میں اضافے کا بہت کم امکان ہے۔ اس نے کہا ہے کہ کووڈ ۔19 کی ویکسینیشن میں اضافے کے ساتھ ہی لوگوں کے اخراج میں بھی اضافہ ہوگا ، امید ہے کہ آئندہ بھی ڈیمانڈ میں اضافہ ہوگا۔
