کانپور: اترپردیش کے ضلع کانپور میں چوبے پور علاقے میں پولیس ٹیم پر حملہ کرنے والے وکاس دوبے گنگ کے دو اراکین پولیس کے ساتھ مڈھ بھیڑ میں مارے گئے۔
انسپکٹر جنرل آف پولیس موہت اگروال نے جمعہ کو بتایا کہ شاطر مجرم وکاس دوبے کے دو ساتھیوں کو پولیس نے مڈھ بھیڑ میں ہلاک کردیا۔ دونوں بدمعاشوں کو پولیس نے موقع واردات سے کچھ دوری پر مار گرایا ہے۔ ان کے قبضے سے پولیس نے لوٹی گئی رائفل اور پستول بھی برآمد کی ہیں۔
مقامی افراد کے مطابق مارے گئے بدمعاشوں کی شناخت اتل ہے اور پریم پرکاش کے طور پر کی گئی ہے حالانکہ پولیس نے دونوں کے نام کی تصدیق نہیں کی ہے۔ قابل ذکر ہے کہ چوبے پور کے بکرو گاؤں میں ہشٹری شیٹر بدمعاش وکاس دوبے کو جمعرات کی آدھی رات پکڑنے گئی پولیس ٹیم پر حملہ کردیا گیا۔ گھروں کی چھت سے پولیس پر گولیاں برسائی گئیں، جس میں سی او بلہور دویندر مشرا سمیت تین سب انسپکٹر اور چار سپاہی شہید ہوگئے۔ حملے میں سات پولیس اہلکا زخمی ہوئے ہیں۔ جنہیں کانپور شہر کے ریجنسی اسپتال میں داخل کرایا گیا ہے۔ زخمیوں میں ایک پولیس اہلکار کی حالت نازک بنی ہوئی ہے۔
