بستی: اترپردیش کے ضلع بستی میں مڈڈے یل کی رقم والدین کے کھاتوں میں آرٹی جی ایس یا نفٹ کے ذریعہ 30جون تک ٹرانسفر کردی جائےگی۔آفیشیل ذرائع نے جمعرات کو بتایا کہ ضلع میں سرکاری کالجوں،گورنمنٹ اسکول،منظورہ شدہ کالجوں،مدرسوں اور سیکنڈری کالجوں کے ایک لاکھ 37ہزار 380طلبہ کے والدین کے کھاتوں میں 375 فی طالب کی شرح سے پانچ کروڑ 15لاکھ 17ہزار 500روپئے 30جون تک آرٹی جی ایس یا نفٹ کے ذریعہ سے بھیج دئیے جائیں گے۔
انہوں نے بتایا کہ اس کام کو وقت کے اندر مکمل کرنے کےلئے بلاک تعلیمات افسر،بلاک ڈیولپمنٹ افسر اور گرام ایجوکیشن کمیٹیوں کو احکامات دئیے گئے ہیں اور کہا گیا ہے کہ 30جون تک والدین کے کھاتوں میں رقم جمع کرا دی جائے۔
سوشل میڈیا پر ہمارے ساتھ جڑنے کے لیے یہاں کلک کریں۔
Click 👉 https://bit.ly/followRRS
