نئی دہلی (یو این آئی): اتر پردیش اور بہار قانون ساز کونسل کی بالترتیب 13 اور 11 خالی نشستوں کے لیے ووٹنگ 21 مارچ کو ہوگی۔ بہار قانون ساز کونسل کے ان اراکین کی میعاد 5 مئی کو ختم ہو رہی ہے اور اتر پردیش قانون ساز کونسل کے اراکین کی میعاد 6 مئی کو ختم ہو رہی ہے۔الیکشن کمیشن نے جمعہ کو ان دونوں ریاستوں کی خالی نشستوں کے لیے انتخابی تاریخوں کا اعلان کیا۔
کمیشن کی جانب سے 4 مارچ کو خالی نشستوں کا نوٹیفکیشن جاری کیا جائے گا۔ کاغذات نامزدگی داخل کرنے کی آخری تاریخ 11 مارچ ہوگی۔ کاغذات نامزدگی کی جانچ پڑتال 12 مارچ کو ہوگی اور کاغذات نامزدگی واپس لینے کی تاریخ 14 مارچ مقرر کی گئی ہے۔ ان دونوں ریاستوں کی قانون ساز کونسل کی خالی نشستوں کے لیے ووٹنگ 21 مارچ کو ہوگی۔ ووٹنگ 21 مارچ کو صبح 9 بجے سے شام 4 بجے تک جاری رہے گی اور ووٹوں کی گنتی شام 5 بجے شروع ہوگی۔
اتر پردیش سے اشوک کٹاریہ، اشوک دھون، آشیش کمار سنگھ، نرملا پاسوان، نریش چندر اتم، بکل نواب، بھیم راؤ امبیڈکر، بی ڈاکٹر مہندر کمار سنگھ، محسن رضا، یشونت، ایل ایل، وجے بہادر، ودیا ساگر سونکر اور ڈاکٹر سروجنی اگروال کی سیٹیں 5 مئی کو خالی ہو جائیں گی۔
وہیں ، بہار میں بھارتیہ جنتا پارٹی سے منگل پانڈے، شاہنواز حسین اور سنجے پاسوان کے پاس تین سیٹیں ہیں۔ جنتا دل یونائیٹڈ کی چار سیٹیں وزیر اعلیٰ نتیش کمار، سنجے جھا، رامیشور مہتو اور خالد انور کی ہیں۔
یہ بھی پڑھیں: کسان تحریک: نوجوان کی موت کے بعد مظاہرین مشتعل،یومِ سیاہ کا اہتمام،3 پولیس اہلکاروں کی بھی موت کا دعویٰ
راشٹریہ جنتا دل کی دو سیٹیں سابق وزیر اعلیٰ رابڑی دیوی اور قانون ساز کونسل کے ڈپٹی اسپیکر رام چندر پوروے کی ہیں۔ کانگریس کی ایک سیٹ پریم چندر مشرا اور ایک سیٹ ایچ اے ایم پارٹی کے وزیر سنتوش سمن کی ہے۔
