پاکستان میں بم دھماکہ، دو فوجی ہلاک

اسلام آباد: پاکستان میں خیبر پختوانخوا صوبے کے شمالی وزیرستان ضلع میں بم دھماکے میں دو فوجیوں کی موت اور چار دیگر زخمی ہوگئے۔سرکاری ذرائع نے بتایا کہ یہ دھماکہ بدھ کے روز افغانستان کی سرحد سے متصل قبائلی اکثریت والے شمالی وزیرستان کے تاپی گاؤں میں اس وقت ہوا جب ایک فوجی گاڑی طاقت ور دھماکہ خیز آلے کی زد میں آگئی۔ دھماکہ میں دو فوجیوں کی موت ہوگئی اور چار دیگر زخمی ہوگئے۔ دھماکے کے بعد فوجیوں نے پورے علاقے کا محاصرہ کرکے تلاشی مہم شروع کردی۔ زخمی جوانوں کو نزدیکی اسپتال میں داخل کرایا گیا ہے۔ ابھی تک کسی بھی تنظیم نے اس حملے کی ذمہ داری نہیں لی ہے۔حالیہ برسوں میں پاکستان کی فوج نے اس علاقے میں پاکستان طالبان سمیت جنگجو گروپوں کے خلاف کئی مہم چلائی ہیں۔