واشنگٹن:امریکہ کے صدر ڈونالڈ ٹرمپ کا کہنا ہے کہ کورونا وائرس کا ٹیکہ تیار ہونے پر امریکہ ممکنہ طور پر دیگر ممالک کو اسے فراہم کرائے گا۔
ٹرمپ نے کہا ’’جب کورونا کا ٹیکہ تیار ہوجائے گا تو ہم دنیا کے دیگر ممالک میں اس کی سپلائی کریں گےجیسے ہم نے وینٹی لیٹر اور دیگر ضروری اشیا کی کی تھی‘‘۔
ایک رپورٹ کے مطابق ٹرمپ انتظامیہ کو اس سال کے آخر یا 2021 کے آغاز میں کورونا ویکسین تیار ہوجانے کی امید ہے۔پیر کے روز قومی ادارہ صحت (این آئی ایچ) نے کہا کہ امریکی سائنس دانوں نے بائیوٹیکنالوجی کمپنی ماڈرن کی تیار کردہ ممکنہ ویکسین کے تیسرے مرحلے کی آزمائش شروع کردی ہے۔
جان ہاپکنز یونیورسٹی کے مطابق امریکہ میں کورونا وائرس کے اب تک 42 لاکھ سے زیادہ معاملے سامنے آئے ہیں اور 149000 سے زیادہ لوگوں کی موت ہوئی ہے۔
۔
سوشل میڈیا پر ہمارے ساتھ جڑنے کے لیے یہاں کلک کریں۔
Click 👉 https://bit.ly/followRRS
