رانچی: رانچی کی ایک خصوصی عدالت نے ہفتہ کو جھارکھنڈ کے سابق وزیر اعلی ہیمنت سورین کو 5 فروری کو ریاستی اسمبلی میں اعتماد کے ووٹ میں حصہ لینے کی اجازت دی۔ منی لانڈرنگ کیس میں بدھ کو انفورسمنٹ ڈائریکٹوریٹ (ای ڈی) کے ذریعہ گرفتار ہیمنت سورین نے خصوصی پی ایم ایل اے (منی لانڈرنگ کی روک تھام) عدالت کے سامنے ایک عرضی داخل کی تھی۔ اس درخواست میں ہیمنت نے چمپائی سورین کی قیادت والی نئی حکومت کے اعتماد کے ووٹ میں حصہ لینے کی اجازت مانگی تھی۔ جمعہ کو عدالت نے سورین کو پانچ دن کے لیے ای ڈی کی حراست میں بھیج دیا۔
سورین نے عدالت کے سامنے دلیل دی کہ وہ اسمبلی کے رکن ہیں اور خصوصی اجلاس میں شرکت کا حق رکھتے ہیں۔
درخواست میں کہا گیا ہے ”درخواست گزار (ہیمنت سورین) نے ایک درخواست دائر کی ہے جس میں اس عدالت سے حکم کی درخواست کی گئی ہے کہ اسے جھارکھنڈ اسمبلی کے خصوصی اجلاس اور 5 فروری کو صبح 11 بجے ہونے والے اعتماد کے ووٹ کی کارروائی میں حصہ لینے کی اجازت دی جائے۔ حصہ لینے کی اجازت دی جائے۔
چمپائی سورین کی قیادت میں نئی حکومت کو 5 فروری کو ایوان میں اپنی اکثریت ثابت کرنے کے لیے اعتماد کا ووٹ حاصل کرنا ہے۔ ہیمنت سورین کی گرفتاری کے بعد چمپائی نے وزیر اعلیٰ کا عہدہ سنبھال لیا۔
ایڈوکیٹ جنرل راجیو رنجن نے خبر ریساں ادارے کو بتایا کہ ای ڈی نے درخواست پر سخت اعتراض ظاہر کیا ہے۔ رنجن نے کہا “ہم نے کہا کہ معاملہ اب سامنے آ گیا ہے اور ای ڈی کا مقصد کوئی تحقیقات کرنا نہیں ہے، بلکہ نئی حکومت کی تشکیل میں رکاوٹ ڈالنا یا حکومت گرانا ہے۔”
مزید پڑھیں: چمپائی سورین جھارکھنڈ کے بارہویں وزیر اعلی بنے، عالمگیر سمیت دیگر لیا حلف
انہوں نے کہا ”جب وہ (ہیمنت) تحقیقات میں مداخلت نہیں کررہے ہیں، تو ایوان کی کارروائی میں ان کی شرکت پر اعتراض کرنے کا کوئی فائدہ نہیں ہے۔ عدالت نے ہماری درخواست منظور کر لی ہے۔
