ممبئی : بالی ووڈ اداکارہ جیکلین فرنینڈس کا کہنا ہے کہ سوشانت سنگھ راجپوت کی آخری فلم ’دل بیچارا‘شائقین کا دل جیت لے گی۔ہر کوئی سشانت سنگھ راجپوت کی آخری فلم دل بیچارا کا بے تابی سے منتظر ہے۔ یہ فلم24 جولائی کو ڈزنی ہاٹ اسٹار پر ریلیز ہو رہی ہے۔ جیکولین فرنینڈس،جو سوشانت سنگھ راجپوت کی اسٹار تھیں، نے سوشانت کی یاد میں سوشل میڈیا پر ایک جذباتی پوسٹ لکھی ہے۔ جیکلین نے سوشانت کی آخری فلم کا پوسٹر بھی شیئر کیا ہے اور اعتماد کا اظہار کیا ہے کہ ان کی فلم سب کے دل جیتنے میں کامیاب ہوگی۔
جیکلین نے لکھا ، "سوشانت کے جانے سے ایک خلا پیدا ہوگیا ہے۔ اس نے مجھے مشکل وقت میں سب کے ساتھ رہنا سکھایا۔ اگرمیں کبھی پریشان ہوتی ہوں تو اس نے خود میری بہت مدد کی تھی۔ اب ان کی آخری فلم دیکھنا میرے لئے آسان نہیں ہوگا۔ لیکن مجھے یقین ہے کہ سوشانت اپنی اداکاری سے اسکرین پرسب کا دل جیت لیں گے۔ یہ چیز مجھے یقینی طور پر بہت سکون بخشے گی۔ "
