نئی دہلی :آج کے وقت میں جڑواں بچوں کا ہونا ایک عام بات ہے ، کیونکہ کبھی کبھی ایک ہی وقت میں متعدد بچے پیدا ہونے کی بھی اطلاعات آتی ہیں۔ لیکن اس
بار ایک عورت نے تمام ریکارڈ توڑتے ہوئے 10 بچوں کو جنم دیا ہے۔ جنوبی افریقہ سے تعلق رکھنے والی ایک 37 سالہ خاتون نے 10 بچوں کو جنم دینے کا
دعوی کیا ہے۔ اگر یہ سچ ہے اور ڈاکٹر اس کی تصدیق کرتے ہیں تو یہ اپنے آپ میں ایک بہت بڑا عالمی ریکارڈ ہوگا۔ کیونکہ اس سے پہلے 9 بچوں کو جنم
دینے کا ریکارڈ مالی کی اس خاتون کے نام ہے ، جس نے یہ ریکارڈ صرف مئی میں بنایا تھا۔
گوسیامے تھامارا سیتھول نے دعویٰ کیا ہے کہ انھوں نے 7 لڑکوں اور 3 بیٹیوں کو جنم دیا ہے۔ ان کے شوہر ٹیبگو توتیتسی کے مطابق،بچوں کو 7 جون کو
پریٹوریا کے ایک اسپتال میں سیزرین سرجری کے ذریعہ بچوں کو جنم دیا ۔ تاہم،حمل کے دوران،ڈاکٹروں نے ابتدائی طور پر کہا تھا کہ سیتھول کے پیٹ میں6
بچے پل رہے تھے، لیکن بعد میں اسکین سے 8 بچوں کا انکشاف ہوا اور جب خاتون کی ڈیلوری ہوئی تو دس بچے ہوئے۔
آئیے ہم آپ کو بتاتے ہیں کہ تھامارا سیتھول،جو ایک ریٹیل اسٹور مینیجر کی حیثیت سے کام رہی ہیں،پہلے ہی 6 سالہ جڑواں بچے ہیں۔ اس وقت،تمام بچے
مکمل طور پر صحتمند ہیں۔ لیکن ان بچوں کو کچھ دن انکیوبیٹرز میں ہی رہنا پڑے گا۔ سیتھول اور اس کے شوہر دونوں ہی ان بچوں کی پیدائش سے
بہت خوش ہیں۔
ٹیبگو توتیتسی نے بتایا کہ جن بچوں کو انہوں نے جنم دیا ان میں سات لڑکے اور تین لڑکیاں ہیں۔ اس کی بیوی سات ماہ سات دن کی حاملہ تھی۔ انہوں نے کہا کہ میں خوش ہوں۔ میں جذباتی ہوں میں زیادہ بات نہیں کرسکتا۔
