نینی تال: (یو این آئی) اتراکھنڈ کے ضلع پتھورا گڑھ کے بیری ناگ میں پولیس کوغیر قانونی شراب کے خلاف بڑی کامیابی ملی ہے۔ پولیس نے 327 پیٹی انگریزی شراب کے ساتھ ایک اسمگلر کو گرفتار کیا ہے۔
پتھوراگڑھ پولیس سے موصولہ اطلاع کے مطابق بیری نگ پولیس کو مخبر سے غیر قانونی شراب کی اسمگلنگ کی اطلاع موصول ہوئی تھی۔ اس کے بعد جمعرات کی شب کو سراگھاٹ بیریئر پر پولیس کے نوجوانوں نے محاذ سنبھال لیا ۔ اسی دوران رات کو تقریباََ ایک بجے الموڑہ سے طرف سے ٹرک نمبر یوکے 01 سی اے 0913 کو روکا گیا اور چیکنگ کے دوران اس میں 327 پٹی انگریزی شراب برآمد ہوئی ۔
برآمد شدہ شراب کی قیمت 20 لاکھ روپے بتائی گئی ہے ۔ پولیس نے گاڑی کوضبط کر لیااور ڈرائیور گووند کنڈپال ساکن کڑگوٹھ ، رامشورتھانہ دانیہ ، الموڑہ کو گرفتار کرلیا ۔ ملزم کے خلاف بیری ناگ پولیس تھانے میں ڈیزاسٹر مینجمنٹ ایکٹ اور ایکسائز ایکٹ کے تحت معاملہ درج کیا گیا ہے۔
